ବୌଦ୍ଧ: ଜିଲ୍ଲାରେ ଧାନକ୍ରୟର ଏକ ଅଭାବନୀୟ ଦୃଶ୍ୟ ସାମ୍ନାକୁ ଆସିଛି । ଧାନ ବେପାରୀଙ୍କ ଶହଶହ କ୍ବିଣ୍ଟାଲ ଧାନ ବିନା ପରୀକ୍ଷାରେ କିଣାଯାଉଥିବା ବେଳେ ଜଣେ କ୍ଷୁଦ୍ର ଚାଷୀକୁ କିଭଳି ଜାଣିଶୁଣି ହଇରାଣ କରାଯାଉଛି ତାର ନଗ୍ନ ଚିତ୍ର ପୁରୁଣାକଟକ ମଣ୍ଡିରେ ଦେଖିବାକୁ ମିଳିଛି । ସୂଚନା ମୁତାବକ ପୁରୁଣାକଟକ ସମବାୟ ସମିତି ଅନ୍ତର୍ଗତ ଚାଉଁରପୁର ଗ୍ରାମର ସଦାନନ୍ଦ ପ୍ରଧାନ ନିଜର ବର୍ଷ ଯାକର ପରିଶ୍ରମ ଧାନକୁ ଟୋକନ ପାଇବା ପରେ ମଣ୍ଡିକୁ ଆଣିଥିଲେ ।
ଧିରେ ଧିରେ ଅନ୍ୟ ସମସ୍ତଙ୍କ ସହ ବେପାରୀ ମାନଙ୍କ ଧାନ ମଣ୍ଡିରୁ ନିଆଗଲା । କିନ୍ତୁ ସଦାନନ୍ଦ ଙ୍କ ଧାନ ପରେ ନିଆଯିବ ବୋଲି ସମିତିର ସଂପାଦକ କହିଥିଲେ । ପରେ ପ୍ରାୟ ତିନି ଦିନ ଧରି ଝିପିଝିପି ବର୍ଷା ଓ କୋହଲା ପାଗ ଲାଗି ରହିବାରୁ ଧାନରେ ଆଦ୍ରତା ମାନ ଠାରୁ ଅଳ୍ପ ଅଧିକ ରହିଲା । ଏଣୁ ଏବେ ମଣ୍ଡିରୁ ସଦାନନ୍ଦଙ୍କ ଧାନ ଆଉ ଉଠାନଯାଇ ଫେରାଇ ନେବାକୁ ରୋକଠୋକ ପେକ୍ସ ପକ୍ଷରୁ କୁହାଯାଇଛି ।
ମଣ୍ଡି ପାଇଁ ମୁଣ୍ଡ ବିନ୍ଧା; ଶୀତକାକରରେ ଧାନ ଜଗିଛି ଚାଷୀ