ବୌଦ୍ଧ: ସୁଧୁରି ପାରୁନି ଧାନକ୍ରୟ ସମସ୍ୟା । ଦିନଦିନ ଧରି ଧାନବିକ୍ରି ହୋଇପାରୁ ନଥିବାବେଳେ ଟୋକନ ଲାପ୍ସ ଏବେ ଚାଷୀଙ୍କ ମୁଣ୍ଡବ୍ୟଥା ହୋଇଛି । ବୌଦ୍ଧ ଜିଲ୍ଲାର 42 ଗୋଟି ସମବାୟ ସମିତି ମଧ୍ୟରୁ ଅଧିକାଂଶ ଧାନମଣ୍ଡିରେ ଧାନକ୍ରୟକୁ ନେଇ ଲାଗି ରହିଛି ଅଚଳାବସ୍ଥା ।
ଚାଷୀଙ୍କ ଚିନ୍ତା ବଢାଉଛି ଟୋକନ ଲାପ୍ସ
ଏବେ ପୁଣି ଚାଷୀଙ୍କ ଟୋକନ ଲାପ୍ସ ହୋଇଯାଇଥିବାରୁ ତାଙ୍କ ଚିନ୍ତା ବହୁ ଗୁଣରେ ବଢିଯାଇଛି । ବୌଦ୍ଧ ଜିଲ୍ଲାର କରଞ୍ଜକଟା ସେବା ସମବାୟ ସମିତିର ମଣ୍ଡିରୁ ଧାନ ଉଠି ପାରୁ ନଥିବାବେଳେ ଟୋକନ ଲାପ୍ସ ଯୋଗୁଁ ଧାନବିକ୍ରି କରିନପାରି ଚାଷୀ ମଣ୍ଡିରେ ଧାନ ବସ୍ତା ପକାଇ ପ୍ରତିବାଦ କରିଛନ୍ତି ।