ବୌଦ୍ଧ: ବୌଦ୍ଧ ଜିଲ୍ଲାରେ ଧିମେଇ ଯାଇଛି ଖରିଫ ଋତୁ ଧାନ ସଂଗ୍ରହ ପ୍ରକ୍ରିୟା । ଜିଲ୍ଲାର ମଣ୍ଡି ମାନଙ୍କରେ ମିଲର୍ସଙ୍କ ମର୍ଜିରେ ଧାନ ଉଠାଣ ହେଉଥିବାବେଳେ ଅନେକ ମଣ୍ଡିରେ ମିଲର୍ସ ଧାନ ଉଠାଉ ନଥିବା ଅଭିଯୋଗ କରିଛନ୍ତି ଚାଷୀ ।
ମଣ୍ଡି ସମସ୍ୟା: ମିଲର୍ସ ଉଠାଉନାହାଁନ୍ତି ଧାନ
ମଣ୍ଡି ସମସ୍ୟା ଚାଷୀଙ୍କ ସମସ୍ୟାର ମୁଖ୍ୟ କାରଣ ପାଲଟିଛି । ଏସବୁ ଭିତରେ ଶୀତ କାକରରେ ଉପାର୍ଜିତ ଧାନକୁ ଜଗି ମଣ୍ଡିରେ ପଡି ରହିଛି ଚାଷୀ । କେତେକ ମଣ୍ଡିରେ ପାନୀୟଜଳ, ବିଦ୍ୟୁତ ଏପରିକି ଧାନ ମାନ ପରୀକ୍ଷା ଯନ୍ତ୍ର ମଧ୍ୟ କାମ କରୁନାହିଁ । ଚାଷୀ ଟୋକନ ପାଇବାର ମାସେ ପରେ ମଧ୍ୟ ମଣ୍ଡିରେ ଧାନ ବିକ୍ରି କରିପାରୁ ନଥିବାରୁ ବାଧ୍ୟ ହୋଇ ବେପାରୀ ହାବୁଡ଼ରେ ପଡୁଛନ୍ତି । ବର୍ତ୍ତମାନ ଅନେକ ଚାଷୀ ବେପାରୀ ଓ ଦଲାଲଙ୍କ କବ୍ଜାରେ ରହି ହନ୍ତସନ୍ତ ହେଉଛନ୍ତି।