ବୌଦ୍ଧ: ରକ୍ଷଣାବେକ୍ଷଣ ଅଭାବରୁ ବନ୍ଦ ହେବାକୁ ବସିଲାଣି ବୌଦ୍ଧ ପାଲଝାର କୃଷି ଫାର୍ମ । ଏଠାରେ ବିଭିନ୍ନ ପ୍ରଜାତିର ଧାନ ବିହନ ସହ ରବି ଫସଲ ଓ ପନିପରିବା ଚାଷ ହୋଇ ବିଭିନ୍ନସ୍ଥାନକୁ ରପ୍ତାନି ହେଉଥିଲା । କିନ୍ତୁ ସ୍ବାଧୀନତାର ପରବର୍ତ୍ତୀ ସମୟରେ କୃଷି ଫାର୍ମ ଧିରେ ଧିରେ ଅବହେଳିତ ହେବା ସହିତ ଏହାର ୪୫୨ ଏକର ଜମିକୁ ବିଭିନ୍ନ ସରକାରୀ ଅନୁଷ୍ଠାନ ନିମନ୍ତେ ଦିଆଗଲା । ଏହି କେନ୍ଦ୍ରରେ ବିଭିନ୍ନ ସରକାରୀ ଅଧିକାରୀ ନିଯୁକ୍ତି ପାଇଥିଲେ ମଧ୍ୟ କେହି ଏଠାକୁ ଆସୁନଥିବା ଅଭିଯୋଗ ହୋଇଛି ।
ବୌଦ୍ଧ ପାଲଝାର କୃଷି ଫାର୍ମ
ଜଣେ ମହିଳା ରାତ୍ରି ଜଗୁଆଳିଙ୍କ ଭରଷାରେ ଚାଲିଛି ଏହି ଫାର୍ମ । ଚଳିତ ଥର ତିରିଶି ହେକ୍ଟର ଜମିରେ ହୋଇଥିବା ସରକାରୀ ବିହନ ଧାନ ଏବେ ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଥିବା ଅଭିଯୋଗ ହୋଇଛି । ଜମିରୁ ଏହି ବିହନ ଧାନ ସଂଗ୍ରହ ହୋଇନପାରି ଜମିରେ ପଡି ପଡି ଗଜା ହୋଇଯିବା ସହ ଖତ ହୋଇଗଲାଣି ।