ବୌଦ୍ଧ: ବସ୍ତେ କିମ୍ବା ଦୁଇ ବସ୍ତା ନୁହେଁ, ମଣ୍ଡିରେ ପଡି ରହିଛି ଶହ ଶହ ବସ୍ତା ଧାନ । ଆଉ ପଡିପଡି ଗଜା ହୋଇଗଲାଣି ଧାନ । ଆଉ ଏହାକୁ ଦିନ ରାତି ଜଗି ବସିଛନ୍ତି ଚାଷୀ । ଏପଟେ ଧାନକ୍ରୟ ଦିବସ ସରକାରୀ ଭାବେ ଗତ ଜୁନ ୩୦ ତାରିଖରେ ସରିଯାଇଥିବାରୁ ଯୋଗାଣ ବିଭାଗ ମଧ୍ୟ ହାତ ଟେକି ଦେଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ମୁଣ୍ଡର ଝାଳ ତୁଣ୍ଡରେ ମାରି ଖରାଦିନରେ ନିଜ ଜମିରେ ସୁନା ଫଳାଇଥିବା ଧାନଚାଷୀ ଏବେ ମୁଣ୍ଡରେ ହାତଦେଇ ବସିଛନ୍ତି । ବୌଦ୍ଧ ଜିଲ୍ଲାର ମନମୁଣ୍ଡା, ସିମିଳିପଦର, ବଘିଆପଡା, ଲୁକାପଡା ପ୍ରଭୃତି ସମବାୟ ସମିତିର ମଣ୍ଡିରେ ପଡି ରହିଛି ହଜାର ହଜାର ବସ୍ତା ଧାନ । ଏପଟେ ମୌସୁମୀ ବର୍ଷା ଆରମ୍ଭ ହୋଇଯାଇଥିବାବେଳେ ଅମଳ ହୋଇଥିବା ଧାନ ଏଯାଏଁ ବିକ୍ରି ନହୋଇ ମଣ୍ଡିରେ ପଡି ରହିଛି ।