ପାଖରେ ନାହିଁ ସ୍ମାର୍ଟଫୋନ, ଅନ୍ଧାରରେ ଛାତ୍ରଛାତ୍ରୀଙ୍କ ଭବିଷ୍ୟତ

ବୌଦ୍ଧରେ ଫେଲ ମାରିଛି ଅନଲାଇନ ଶିକ୍ଷାଦାନ ବ୍ୟବସ୍ଥା । ଛାତ୍ରଛାତ୍ରୀଙ୍କ ପାଖରେ ନାହିଁ ଆଣ୍ଡ୍ରଏଡ ମୋବାଇଲ । ଘଟଣାକୁ ପରୋକ୍ଷରେ ସ୍ବୀକାର କଲେ ଶିକ୍ଷକ ।ଅଧିକ ପଢନ୍ତୁ....

ବୌଦ୍ଧ: ଫେଲ ମାରିଛି ଅନଲାଇନରେ ଶିକ୍ଷାଦାନ ବ୍ୟବସ୍ଥା । କୋରୋନା ସଂକ୍ରମଣ ଯୋଗୁଁ ସମସ୍ତ ବିଦ୍ୟାଳୟକୁ ବନ୍ଦ କରି ଛାତ୍ରଛାତ୍ରୀ ଘରେ ରହି ପାଠ ପଢିଵାକୁ ସରକାର ନିର୍ଦ୍ଦେଶ ଦେଇଛନ୍ତି । ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ମଧ୍ୟ ଅନଲାଇନରେ ଶିକ୍ଷା ଦାନ ପାଇଁ ନିର୍ଦ୍ଦେଶ ରହିଛି । କିନ୍ତୁ ବୌଦ୍ଧ ଜିଲ୍ଲାରେ ଅନଲାଇନରେ ଶିକ୍ଷା ଦାନ ବ୍ୟବସ୍ଥା ସମ୍ପୂର୍ଣ୍ଣ ଫେଲ ମାରିଥିବା ଅଭିଯୋଗ ହୋଇଛି । କିଛି ଅଭିଭାବକଙ୍କ ନିକଟରେ ଆଣ୍ଡ୍ରଏଡ ମୋବାଇଲ ନ ଥିବାରୁ ଶିକ୍ଷାଦାନରେ ସମସ୍ୟା ଉପୁଜୁଛି ।

ପଚାଶ ହଜାରରୁ ଅଧିକ ଛାତ୍ରଛାତ୍ରୀଙ୍କ ମାନେ ଏଭଳି ସମସ୍ୟାର ସମ୍ମୁଖିନ ହେଉଥିବା ବେଳେ ଆଉ କିଛି ନେଟଓ୍ବାର୍କ ନ ଥିବାରୁ ଶିକ୍ଷାଦାନରୁ ବଞ୍ଚିତ ହେଉଛନ୍ତି । ଚଳିତ ବର୍ଷ ପରୀକ୍ଷା ନହୋଇ ଶ୍ରେଣୀ ଉତ୍ତୀର୍ଣ୍ଣ କରାଯାଇଥିବା ବେଳେ ପାଠପଢା ପିଲାମଧ୍ୟ ଏବେ ଖେଳକୁଦରେ ସମୟ କାଟୁଛନ୍ତି । ଯାହାକୁ ନେଇ ଚିନ୍ତାରେ ଅଭିଭାବକ । ଶିକ୍ଷକ ମାନେ ମଧ୍ୟ ଘଟଣାକୁ ପରୋକ୍ଷରେ ସ୍ବୀକାର କରିବା ସହ ସରକାରଙ୍କ ନିର୍ଦ୍ଦେଶ ମତେ ଶିକ୍ଷା ଦାନ କରାଯାଉ ଥିବା କହିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ