ବୌଦ୍ଧ: ମହାବିଷୁବ ସଂକ୍ରାନ୍ତିରେ ଶ୍ରୀକ୍ଷେତ୍ର ପୁରୀକୁ ଜଗା ଦର୍ଶନ ପାଇଁ ସୁଦୂର ଛତିଶଗଡ଼ର ରାୟପୁରରୁ କାର ଡ୍ରାଇଭ କରି ପରିବାର ସହ ଆସୁଥିଲେ । କିନ୍ତୁ ବାଟରେ ସଡ଼କ ଦୁର୍ଘଟଣାରେ ଚାଲିଗଲା ଜୀବନ । ମୃତ ବ୍ୟକ୍ତି ଜଣକ ହେଲେ ଛତିଶଗଡ଼ର ରାୟପୁର ଅଞ୍ଚଳର ଜୀବନ ବୀମା ନିଗମର ବରିଷ୍ଠ ଅଧିକାରୀ ଦୀପକ ଭାଡେର । ଦୀପକ ନିଜ ପତ୍ନୀ ଓ ଦୁଇ ଝିଅଙ୍କୁ ନେଇ କାର ଯୋଗେ ପୁରୀ ଯାଉଥିଲେ ।
ଅଧୁରା ରହିଲା ଜଗା ଦର୍ଶନ, ଅଧା ରାସ୍ତାରେ ନେଇଗଲା ଯମ ! - chatishgarh man dies in road accident in odisha
ଶ୍ରୀକ୍ଷେତ୍ରରେ ଜଗା ଦର୍ଶନ ପାଇଁ ସପରିବାର ସୁଦୂର ଛତିଶଗଡ଼ର ରାୟପୁର ଅଞ୍ଚଳରୁ କାର ଯୋଗେ ଆସୁଥିଲେ । କିନ୍ତୁ ସଡ଼କ ଦୁର୍ଘଟଣାରେ ଚାଲିଗଲା ପରିବାର ମୁଖ୍ୟଙ୍କ ଜୀବନ । ଅଧିକ ପଢ଼ନ୍ତୁ
ବୌଦ୍ଧରେ ମର୍ମନ୍ତୁଦ ସଡ଼କ ଦୁର୍ଘଟଣା, ବୀମା ନିଗମର ବରିଷ୍ଠ ଅଧିକାରୀ ମୃତ
ଗୁରୁବାର ସକାଳ ପ୍ରାୟ ୯ଟାରେ ବୌଦ୍ଧ ଥାନା ଅନ୍ତର୍ଗତ ହରେକୃଷ୍ଣପୁର ଛକ ନିକଟରେ କାରଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ଗଛରେ ପିଟି ହୋଇଯିବାରୁ ଘଟଣାସ୍ଥଳରେ ଦୀପକଙ୍କ ମୃତ୍ୟୁ ହୋଇଯାଇଥିଲା । ତେବେ କାରରେ ବସିଥିବା ପତ୍ନୀ ଆହତ ହୋଇ ପୁରୁଣା କଟକ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ଦୁଇ ଝିଅ ସୌଭାଗ୍ୟ ବଶତଃ ବର୍ତ୍ତି ଯାଇଛନ୍ତି । ଖବରପାଇ ବୌଦ୍ଧ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ