ବୌଦ୍ଧ: ବୃଦ୍ଧ ଦମ୍ପତିଙ୍କ ପାଇଁ ଅଲୋଡ଼ା ହୋଇଛି ସରକାରୀ ଯୋଜନା । ପ୍ରଶାସନ ପାଖରେ ବାରମ୍ବାର ଗୁହାରି କରିବା ପରେ ମଧ୍ୟ କୌଣସି ସହାୟତା ମିଳିନଥିବା ଦମ୍ପତି ଅଭିଯୋଗ କରିଛନ୍ତି । ସରକାରୀ ସହାୟତାରୁ ବଞ୍ଚିତ ଥିବା ଯୋଗୁଁ ଏକ ଜଙ୍ଗଲ ଭିତରେ ଅସହାୟ ଜୀବନ ବିତାଉଛନ୍ତି ।
ସରକାରୀ ଯୋଜନାରୁ ବଞ୍ଚିତ ଅସହାୟ ବୃଦ୍ଧ ଦମ୍ପତି
ଆଦିବାସୀ ଅଧ୍ୟୁଷିତ ଅଞ୍ଚଳକୁ ପହଞ୍ଚି ପାରିନି ସରକାରୀ ଯୋଜନା । ବୌଦ୍ଧର ସଦର ବ୍ଲକ ଅନ୍ତର୍ଗତ ଉପାନ୍ତ ଆମ୍ବଝରୀ ପଞ୍ଚାୟତ ଅନାମୁଣ୍ଡା ଗାଁର ନିଃସନ୍ତାନ ବୃଦ୍ଧ ଦମ୍ପତି ସରକାରୀ ସହାୟତାକୁ ଅପେକ୍ଷା କରି ବସିଛନ୍ତି । ସେମାନଙ୍କୁ ନା ମିଳୁଛି ବାର୍ଦ୍ଧକ୍ୟ ଭତ୍ତା ଆଉ ନା ମିଳିଛି ସରକାରୀ ପକ୍କା ଘର । ରାସନ କାର୍ଡ ଖଣ୍ଡେ ନଥିବାରୁ ଖାଇବାକୁ ଚାଉଳ ମଧ୍ୟ ମିଳୁନାହିଁ।