ବୌଦ୍ଧ: ଜିଲ୍ଲାରେ କୋରୋନା ସଂକ୍ରମଣ ହ୍ରାସ ପାଉଥିବା ବେଳେ କୋରୋନା ଜନିତ ମୃତ୍ୟୁ କିନ୍ତୁ ବଢିବାରେ ଲାଗିଛି । ଆଜି(ଗୁରୁବାର) ପୁଣି ଜଣେ କୋରୋନା ଆକ୍ରାନ୍ତଙ୍କ କୋଭିଡ ଡାକ୍ତରଖାନାରେ ମୃତ୍ୟୁ ହୋଇଛି । ସେପଟେ ଶ୍ମଶାନ ଘାଟର ଉନ୍ନତି କରଣ ପାଇଁ ଥିବା ଟଙ୍କାକୁ ବିନିଯୋଗ ପାଇଁ ବୁଦ୍ଧିଜୀବୀ ଦାବି କରିଛନ୍ତି ।
ଜିଲ୍ଲାରେ କୋରୋନା ସଂକ୍ରମଣ ହ୍ରାସ, ବଢୁଛି ମୃତ୍ୟୁ ସଂଖ୍ୟା
ଜିଲ୍ଲାରୁ ଗୁରୁବାର ମାତ୍ର ଚାରି ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୨୬୧୪ ରେ ପହଞ୍ଚିଛି । ଗତ ସପ୍ତାହରେ ବୌଦ୍ଧ ଡାକ୍ତରଖାନାର ଜଣେ ଲୋକପ୍ରିୟ ଡାକ୍ତରଙ୍କ ହାଇଦ୍ରାବାଦରେ କୋରୋନାରେ ମୃତ୍ୟୁ ହୋଇଥିଲା ବେଳେ, ଆଜି ହରଭଙ୍ଗା ବ୍ଳକ୍ କୃଷ୍ଣପାଲିର ଜଣେ ବ୍ୟକ୍ତିଙ୍କର ବୌଦ୍ଧ କୋଭିଡ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।