ବୌଦ୍ଧ: କୋରୋନା କଟକଣା ହେତୁ ସବୁ ପର୍ବପର୍ବାଣୀ ଫିକା ପଡିଛି । ନା ଅଛି ଆଗ ପରି ଗହଳି ଚହଳି ନା ଉତ୍ସାହ । ସେହିପରି ଆଉ ମାତ୍ର କେଇ ଘଣ୍ଟା ପରେ ପାଳନ ହେବ ପଶ୍ଚିମ ଓଡ଼ିଶାର ଗଣପର୍ବ ନୂଆଁଖାଇ । କିନ୍ତୁ ଚଳିତ ବର୍ଷ କୋରୋନା କଟକଣା ଯୋଗୁଁ ନୂଆଁଖାଇ ବଜାର ସମ୍ପୂର୍ଣ୍ଣ ମାନ୍ଦା ପଡିଯାଇଛି । କେବଳ ଔପଚାରିକତା ଦୃଷ୍ଟିରୁ ନବାନ୍ନ ବା ନୂଆଁଖାଇ ଉତ୍ସବ ପାଳନ ହେବାଭଳି ଅନୁଭୂତ ହେଉଛି ।
ରବିବାର ନୂଆଁଖାଇ, ଲୋକଙ୍କ ମଧ୍ୟରେ ନାହିଁ ଉତ୍ସାହ
ଆଜି ବୌଦ୍ଧର ଶନିବାର ସାପ୍ତାହିକ ହାଟ ସତ୍ତ୍ୱେ ବଜାରରେ ନବାନ୍ନ ସାମଗ୍ରୀର ମଧ୍ୟ ଏତେଟା ଚାହିଦା ନଥିବା ବ୍ୟବସାୟୀ କହିଛନ୍ତି ।ବଜାରରେ ନୂଆ ଧାନ କେଣ୍ଡା ସହିତ କୁରେଇ, ମହୁଲ, ଶାଳ ପତ୍ର ଓ ମାଟି ହାଣ୍ଡି ଅଳ୍ପ କିଛି ବ୍ୟବସାୟ ହୋଇଥିବା ସୂଚନା ମିଳିଛି ।