ବୌଦ୍ଧ:ସରିଲା ପଞ୍ଚାୟତ ନିର୍ବାଚନ (Panchayat Election) ପାଇଁ ନାମାଙ୍କନ ପତ୍ର ଦାଖଲ ପ୍ରକ୍ରିୟା । ଜିଲ୍ଲାର ସମୁଦାୟ 69 ଗୋଟି ପଞ୍ଚାୟତ ସହିତ 9 ଗୋଟି ଜୋନ ପାଇଁ ପ୍ରାର୍ଥୀ ମାନେ ନାମାଙ୍କନ ଦାଖଲ କରିଛନ୍ତି । ପଞ୍ଚାୟତ ନିର୍ବାଚନ ପାଇଁ ନାମାଙ୍କନର ଶେଷ ଦିନରେ ଉଭୟ ବ୍ଲକ କାର୍ଯ୍ୟାଳୟ ଓ ଜିଲ୍ଲାପାଳଙ୍କ କାର୍ଯ୍ୟାଳୟ ପ୍ରାର୍ଥୀ ଓ ସେମାନଙ୍କ ସମର୍ଥକଙ୍କ ଯୋଗୁଁ ପ୍ରବଳ ଭିଡ ହୋଇଥିଲା । ବୌଦ୍ଧ ଜିଲ୍ଲାରେ ଶୁକ୍ରବାର ନ’ ଗୋଟି ଜୋନ ଓ ସମସ୍ତ 69 ଗୋଟି ପଞ୍ଚାୟତ ପାଇଁ ପ୍ରାର୍ଥୀ ପତ୍ର ଦାଖଲ ହୋଇଥିଲା ।
ବୌଦ୍ଧରେ ସରିଲା ନାମାଙ୍କନ ଦାଖଲ, ଲଢେଇ ପାଇଁ 3 ଦଳ ପ୍ରସ୍ତୁତ
ଗତକାଲି ମନମୁଣ୍ଡା ଥାନା ଅନ୍ତର୍ଗତ ଶୁଣ୍ଢିପଦର ପଞ୍ଚାୟତରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା । ଏହି ପ୍ରାକ ନିର୍ବାଚନୀ ହିଂସାରେ ଗୋଟିଏ ପ୍ରାର୍ଥୀଙ୍କ ଗାଡି ଭଙ୍ଗାରୁଜା ସହିତ ମନମୁଣ୍ଡା ଥାନାର ଏକ ଗାଡି ଭଙ୍ଗାରୁଜା ହୋଇଥିବା ସୂଚନା ମିଳିଛି । ଏହାଛଡା ପଞ୍ଚାୟତ କାର୍ଯ୍ୟାଳୟରେ ପଶି କେତେକ ଦୁର୍ବୃତ୍ତ ସରକାରୀ ନଥିପତ୍ର ଚିରି ଟେବୁଲ ଚେୟାର ଭାଙ୍ଗି ଦେଇଥିବା ଜଣାପଡିଛି ।