ବୌଦ୍ଧ: ଜିଲ୍ଲାରେ ଦୃତ ଗତିରେ ବୃଦ୍ଧି ପାଉଛି କୋରୋନା ସଂକ୍ରମଣ । କୋରୋନା ବିପତ୍ତି ସମୟରେ ଅସହାୟ ତଥା ଭୋକିଲାଙ୍କ ପେଟର ଦୁଃଖ ଶୁଣିବାକୁ ଆଗେଇ ଆସିଛନ୍ତି କେତେକ ସ୍ବେଚ୍ଛାସେବୀ ସଂଗଠନ । ରାସନ ସାମଗ୍ରୀ ଠାରୁ ରନ୍ଧା ଖାଦ୍ୟ ପର୍ଯ୍ୟନ୍ତ ସମସ୍ତ ଜିନିଷ ଅସହାୟଙ୍କ ନିକଟରେ ପହଞ୍ଚାଇବାକୁ ଚେଷ୍ଟା କରୁଛନ୍ତି ।
ବୌଦ୍ଧରେ ଅସହାୟଙ୍କ ସହାୟ ସ୍ବେଚ୍ଛାସେବୀ ସଂଗଠନ
ଏଭଳି ସମୟରେ ଗରିବଙ୍କ ପେଟ ଜ୍ବାଳା ତଥା ସହାୟତା ଯୋଗାଇଦେବାକୁ ଆଗେଇ ଆସୁଛନ୍ତି କିଛି ସ୍ବେଚ୍ଛାସେବୀ । ବୌଦ୍ଧ ଜିଲ୍ଲାରେ ବିଗତ 15 ଦିନ ହେଲା ସଂକ୍ରମଣ 200 ଉପରେ ରହିବା ପରେ ବର୍ତ୍ତମାନ 300 ପାର କରିଛି । ଏହାକୁ ଦୃଷ୍ଟିରେ ରଖି ସରକାର ଲକଡାଉନକୁ ଆସନ୍ତା ଜୁନ 1 ତାରିଖ ପର୍ଯ୍ୟନ୍ତ ବୃଦ୍ଧି କରିଥିବା ବେଳେ ଜିଲ୍ଲାର ବିଭିନ୍ନ ସ୍ଥାନରେ ଖାଦ୍ୟକୁ ନେଇ ବିଭିନ୍ନ ଅଭାବନୀୟ ଦୃଶ୍ୟ ଦେଖିବାକୁ ମିଳୁଛି ।