ବୌଦ୍ଧ: କଥା ରଖିଲେ ନବ ନିର୍ବାଚିତ ସରପଞ୍ଚ । ଦାୟିତ୍ବକୁ ଆସିବା ମାତ୍ରେ ହିତାଧିକାରୀଙ୍କ ଦୁଃଖ ବୁଝିଛନ୍ତି ବୌଦ୍ଧ ଜିଲ୍ଲାର ଶୁଣ୍ଢିପଦର ଓ ସରସରା ପଞ୍ଚାୟତର ଦୁଇ ଜଣ ସରପଞ୍ଚ । ଗରିବ ହିତାଧିକାରୀଙ୍କ ପାଇଁ ସମସ୍ତ ଯୋଜନା କାର୍ଯ୍ୟକାରୀ କରିବାକୁ ସରପଞ୍ଚ ଉଦ୍ୟମ ଆରମ୍ଭ କରିଥିବା ଦେଖିବାକୁ ମିଳିଛି ।
କଥା ରଖିଲେ ସରପଞ୍ଚ, ହିତାଧିକାରୀଙ୍କୁ ମାଗଣା ଭତ୍ତା ଓ ବସ୍ତ୍ର ବାଣ୍ଟିଲେ
ପଞ୍ଚାୟତର ବିକାଶ ତଥା ଗରିବ ହିତାଧିକାରୀଙ୍କ ପାଇଁ ସରକାର ଅନେକ ଯୋଜନା ପ୍ରଣୟନ କରିଛନ୍ତି । କିନ୍ତୁ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଶୁଣ୍ଢିପଦର ପଞ୍ଚାୟତକୁ ସବୁଦିନିଆ ରାସ୍ତା ଖଣ୍ଡେ ନାହିଁ । ପଞ୍ଚାୟତର କୋଠା, ପାଚେରୀ ଆଦିକୁ ଦେଖିଲେ ସମସ୍ୟା ଆପଣାଛାଏ ଜଣାପଡିଯିବ । ପଞ୍ଚାୟତ କାର୍ଯ୍ୟାଳୟ ଦୀର୍ଘ ବର୍ଷ ତଳେ ନିର୍ମାଣ ହୋଇଥିବା ଭଙ୍ଗାରୁଜା ହୋଇ ପଡ଼ରହିଛି । ପଞ୍ଚାୟତରେ ଆବାସ, ରାସନ,ସାମାଜିକ ସୁରକ୍ଷା ଆଦି ସହିତ ପାନୀୟଜଳର ଘୋର ସଙ୍କଟ ରହିଥିଲା। ହେଲେ ଗ୍ରାମବାସୀଙ୍କୁ ନିର୍ବାଚନ ଆଗରୁ ଯେଉଁ ପ୍ରତିଶୃତି ଦେଇଥିଲେ, ତାହା ପୂରଣ କରିଛନ୍ତି ନବ ନିର୍ବାଚିତ ସରପଞ୍ଚ ।