ବୌଦ୍ଧରେ ବଢୁଛି ସଂକ୍ରମଣ, ଜିଲ୍ଲା ପ୍ରଶାସନର ନୂଆ ଗାଇଡ ଲାଇନ ଜାରି

ଦିନକୁ ଦିନ ବୃଦ୍ଧି ପାଉଥିବା ସଂକ୍ରମଣକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଜାରି କରିଛି ନୂତନ ଗାଇଡ ଲାଇନ । ଆସନ୍ତା ଦୁଇ ଦିନ ହେବାକୁ ଥିବା ସଟଡାଉନରେ କିଛି ମାତ୍ରାରେ କଟକଣା କୋହଳ କରାଯିବାକୁ ନିଷ୍ପତି ହୋଇଛି ।

ବୌଦ୍ଧ: ଦିନକୁ ଦିନ ବୃଦ୍ଧି ପାଉଥିବା ସଂକ୍ରମଣକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଜାରି କରିଛି ନୂତନ ଗାଇଡ ଲାଇନ । ଆସନ୍ତା ଦୁଇ ଦିନ ହେବାକୁ ଥିବା ସଟଡାଉନରେ କିଛି ମାତ୍ରାରେ କଟକଣା କୋହଳ କରାଯିବାକୁ ନିଷ୍ପତି ହୋଇଛି । ସେପଟେ ଆସନ୍ତା ବୁଧବାର ଠାରୁ ରବିବାର ପର୍ଯ୍ୟନ୍ତ ଜିଲ୍ଲାକୁ ସମ୍ପୂର୍ଣ୍ଣ ସଟଡାଉନ ଘୋଷଣା କରାଯାଇଛି ।

ବୌଦ୍ଧ ଜିଲ୍ଲାରେ ଧିରେ ଧିରେ ବଢିବାରେ ଲାଗିଛି ସଂକ୍ରମଣ ଭୟ । ଏମିତିରେ ଜିଲ୍ଲାର ବିଭିନ୍ନ ସ୍ଥାନରୁ ପ୍ରାୟ ପ୍ରତ୍ୟେକ ଦିନ କୋରୋନା ଆକ୍ରାନ୍ତ ଚିହ୍ନଟ ହେବାରେ ଲାଗିଛନ୍ତି । ଜିଲ୍ଲାରେ ରବିବାର ପୁଣି 8ଜଣ ଆକ୍ରାନ୍ତ ଚିହ୍ନଟ ହେବା ପରେ ଜିଲ୍ଲା ପ୍ରଶାସନ ନୂତନ ଗାଇଡ ଲାଇନ ଜାରି କରିଛି । ଆସନ୍ତା ସୋମବାର ଓ ମଙ୍ଗଳବାର ଦୁଇ ଦିନ ଅତ୍ୟାବଶ୍ୟକୀୟ ସାମଗ୍ରୀ ଦୋକାନ ଖୋଲିବା ପାଇଁ ଅନୁମିତ ମିଳିଛି ।

ସେହିପରି ବୁଧବାରଠାରୁ ସମସ୍ତ ସରକାରୀ, ବେସରକାରୀ ପ୍ରତିଷ୍ଠାନ ଏପରିକି ବ୍ୟାଙ୍କ ସେବା ଓ ଡାକସେବା ଉପରେ ମଧ୍ୟ କଟକଣା ଲାଗୁ କରାଯାଇଛି । ଆସନ୍ତା ଦୁଇ ଦିନ କଟକଣା ସାମାନ୍ୟ କୋହଳକୁ ବୌଦ୍ଧବାସୀ ସ୍ବାଗତ କରିଥିବା ବେଳେ ବୌଦ୍ଧ ଜିଲ୍ଲାପାଳ ପୁଣି ଥରେ ଜିଲ୍ଲାବାସୀଙ୍କୁ ସଚେତନ ରହିବା ସହ କୋଭିଡ ନିୟମକୁ ପାଳନ କରିବାକୁ ଆହ୍ବାନ ଦେଇଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ