ରାସ୍ତାରେ ମୋଟର ସାଇକେଲ ଗଡିଲେ କଡା କାର୍ଯ୍ୟାନୁଷ୍ଠାନ

ମଙ୍ଗଳବାର ଠାରୁ ଆଉ ବୌଦ୍ଧ ସହରରେ ଗଡିବନି ମୋଟରସାଇକେଲ । ଯଦି ଏଥିରେ କୌଣସି ଲୋକ ଖିଲାପ କରନ୍ତି ତେବେ ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ବୌଦ୍ଧ ଏସପି ସୂଚନା ଦେଇଛନ୍ତି ।

ବୌଦ୍ଧ:ମଙ୍ଗଳବାର ଠାରୁ ଆଉ ବୌଦ୍ଧ ସହରରେ ଗଡିବନି ମୋଟର ସାଇକେଲ । ଯଦି ଏଥିରେ କୌଣସି ଲୋକ ଖିଲାପ କରନ୍ତି ତେବେ ଆଇନ ଅନୁଯାୟୀ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ବୌଦ୍ଧ ଏସପି ସୂଚନା ଦେଇଛନ୍ତି । ସେପଟେ ବାଉଁଶୁଣୀ ପୋଲିସ ଏଭଳି 37ଜଣ ଅମାନିଆ ବାଇକ ଚାଳକଙ୍କୁ ଧରିଛି ।

ତେବେ ଗତ ତିନି ଦିନ ମଧ୍ୟରେ ବାଉଁଶୁଣୀ ପୋଲିସ 37 ଜଣ ଅମାନିଆ ବାଇକ ଚାଳକଙ୍କୁ ଧରି ଫାଇନ ଆଦାୟ କରିବା ସହିତ 37ଟି ମୋଟର ସାଇକେଲ ଜବତ କରିଛି । ସେହିପରି ସୋମବାର ମନମୁଣ୍ଡା ପୋଲିସ ପଲସାଗୋରା ଠାରେ ଚଢ଼ାଉ କରି ଜଣେ ଅମାନିଆ ଗ୍ରୋସରୀ ଦୋକାନୀକୁ ଥାନାକୁ ଉଠାଇ ଆଣିବା ସହ ଦୋକାନ ସିଲ୍ କରିଛି ।ବୌଦ୍ଧରୁ ସତ୍ୟ ନାରାୟଣ ପାଣି, ଈଟିଭି ଭାରତ