ବୌଦ୍ଧ: ଜିଲ୍ଲାରେ ଜଳସେଚନ ଅଭାବରୁ ମରୁଡି ପରିସ୍ଥିତି ସୃଷ୍ଟି ହୋଇଛି । ବୌଦ୍ଧକୁ ସମ୍ପୂର୍ଣ୍ଣ ମରୁଡି ଘୋଷଣା ଦାବି ସହିତ ଚାଷୀଙ୍କ ବିଭିନ୍ନ ସମସ୍ୟା ନେଇ ଭାରତୀୟ କିଷାନ ସଂଘ ପକ୍ଷରୁ ଶୋଭାଯାତ୍ରାରେ ଯାଇ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରାଯାଇଥିଲା । ଜିଲ୍ଲାର ଅଧିକାଂଶ ଅଞ୍ଚଳକୁ ଆଦୌ ଜଳସେଚନ ହୋଇପାରି ନଥିବା ବେଳେ ଚାଷୀ ମୁଣ୍ଡରେ ହାତ ଦେଇ ବସିଛି ।
ଭାରତୀୟ କିଷାନ ସଂଘ ପକ୍ଷରୁ ମରୁଡି ଘୋଷଣା ଦାବିରେ ବିଶାଳ ବିକ୍ଷୋଭ
ସମ୍ଭାବ୍ୟ ମରୁଡି ପରିସ୍ଥିତି ପାଇଁ ଉଭୟ ଜଳସେଚନ ବିଭାଗ ଓ କୃଷି ବିଭାଗର ଅପାରଗତାକୁ ଦାୟି କରାଯାଇଛି । ଆଜି ଚାଷ ଓ ଚାଷୀଙ୍କ ସମସ୍ୟାକୁ ନେଇ ଆନ୍ଦୋଳନରତ ଚାଷୀଙ୍କୁ ଜିଲ୍ଲାପାଳ କାର୍ଯ୍ୟାଳୟ ଆଗରେ ପୋଲିସ ଅଟକାଇବାରୁ ସେଠାରେ ପରିସ୍ଥିତି ଉତ୍ତେଜନାପୂର୍ଣ୍ଣ ହୋଇଥିଲା । ଶେଷରେ ଆନ୍ଦୋଳନକାରୀ କାର୍ଯ୍ୟାଳୟ ପରିସରରେ ଧସେଇ ପଶିବା ସହ ଦୀର୍ଘ ସମୟ ଧରି ଧାରଣାରେ ବସି ରହିଥିଲେ ।