ବୌଦ୍ଧ:କୃଷି ଭିତ୍ତିକ ଗଣପର୍ବ ନୂଆଁଖାଇ ଆନନ୍ଦ ଉଲ୍ଲାସର ସହିତ ସମାପନ ହୋଇଛି । ଜିଲ୍ଲାର ଆରାଧ୍ୟ ଦେବୀ ମା’ ଭୈରବୀଙ୍କ ନିକଟରେ ପ୍ରଥମେ ନବାନ୍ନ ଲାଗି ହେବା ପରେ ବିଭିନ୍ନ ସ୍ଥାନରେ ପୂଜାର୍ଚ୍ଚନା ଓ ନୂଆଁଖାଇ ଜୁହାର ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ପାଳିତ ହେଲା ଗଣପର୍ବ ନୂଆଖାଇ
ପ୍ରଥମେ ଧାର୍ଯ୍ୟ ଲଗ୍ନ ମୁତାବକ, ବୌଦ୍ଧର ଆରାଧ୍ୟ ଦେବୀ ମା’ଭୈରବୀଙ୍କ ନିକଟରେ ନୂଆ ଧାନରୁ ପ୍ରସ୍ତୁତ କ୍ଷୀରି କାକରା ଭୋଗ ଲାଗି ହୋଇଥିଲା । ପରେ ଜିଲ୍ଲାର ଅନ୍ୟ ସମସ୍ତ ଦେବାଦେବୀଙ୍କ ପୀଠରେ ବିଧି ମୁତାବକ ପୂଜାର୍ଚ୍ଚନା ଓ ନବାନ୍ନ ଲାଗି ପରେ ସମସ୍ତେ ମିଶି ନୂଆ ଖାଇଥିଲେ । ବୌଦ୍ଧ ଜିଲ୍ଲାର କସୁରବନ୍ଧ ଗ୍ରାମରେ ପାରମ୍ପାରିକ ରୀତିନୀତି ଅନୁସାରେ ଆଦିବାସୀ ସମ୍ପ୍ରଦାୟ ମିଶି ନୂଆଖାଇବା ସହ ଜୁହାର ଭେଟ ପାଳନ କରିଥିଲେ ।