ବୌଦ୍ଧ:ଦ୍ବୀପାଞ୍ଚଳ ବାସୀଙ୍କ ପାଇଁ ବିକାଶ ପହଞ୍ଚିବାରେ ସହାୟକ ହେବ ସେତୁ । ଗ୍ରାମବାସୀଙ୍କ ପାଖରେ ସମସ୍ତ ସରକାରୀ ଯୋଜନା ପହଞ୍ଚିବା ସହ ଅଞ୍ଚଳ ସୌନ୍ଦର୍ଯ୍ୟକରଣ ହେବ।
ମର୍ଜାକୁଦ ଦ୍ବୀପ ହେବ ଜିଲ୍ଲା ପର୍ଯ୍ୟଟନର କେନ୍ଦ୍ରବିନ୍ଦୁ
ଦୀର୍ଘ ବର୍ଷ ଧରି ମହାନଦୀ ଗର୍ଭରେ ବାସ କରୁଥିବା ଦ୍ବୀପାଞ୍ଚଳ ବାସୀଙ୍କ ପାଇଁ ଯୋଡିବ ବିକାଶର ସେତୁ । ବୌଦ୍ଧ ଜିଲ୍ଲାର ଏକମାତ୍ର ପୌରାଞ୍ଚଳର ଦୁଇଟି ଓ୍ବାର୍ଡ କୁନେଇ ରହିଛି ଦ୍ବୀପ ଗ୍ରାମ ମର୍ଜାକୁଦ । ପ୍ରାୟ 2200 ଏକର ପରିମିତ ଏହି ଦ୍ବୀପ ପର୍ଯ୍ୟଟନ ଦୃଷ୍ଟି କୋଣକୁ ଅପେକ୍ଷା କରି ରହିଥିଲା। ଏଥିସହ ଏଠାରେ ବସବାସ କରୁଥିବା ଅଧିବାସୀ ବିଛିନ୍ନାଞ୍ଚଳର ଜୀବନ କାଟୁଥିଲେ । ଯୋଗାଯୋଗର ମାଧ୍ୟମ କହିଲେ ମହାନଦୀର ଜଳପଥ । ବର୍ଷ ତମାମ ଦୈନନ୍ଦିନ କାର୍ଯ୍ୟ ପାଇଁ ଡଙ୍ଗାରେ ବିପଦ ଶଙ୍କୁଳ ଅବସ୍ଥାରେ ବୌଦ୍ଧ କୂଳ ପଟକୁ ଆସିବାକୁ ପଡିଥାଏ ।