ବୌଦ୍ଧ:ଲଘୁଚାପ ଜନିତ ଲଗାଣ ବର୍ଷା ଯୋଗୁଁ ସ୍ଥିତି ବେହାଲ ହୋଇପଡିଛି । ଆଉ ଏଥିରୁ ବାଦ ପଡିନି ବୌଦ୍ଧ ଜିଲ୍ଲା । ଜିଲ୍ଲାର ବିଭିନ୍ନ ନଦୀରେ ଜଳସ୍ତର କମିଥିଲେ ସୁଧା ଅନେକ ଚାଷ ଜମି ବନ୍ୟା ପାଣିରେ ବୁଡି ରହିଛି । ରାସ୍ତା ଉପରେ ବନ୍ୟା ପାଣି ପ୍ରବାହିତ ହେଉଛି ।
କମୁଛି ବନ୍ୟା ଆଶଙ୍କା, ବଢୁଛି ଲୋକଙ୍କ ଦୁର୍ଦ୍ଦଶା
ବୌଦ୍ଧ ଜିଲ୍ଲାରେ ଗତ ସପ୍ତାହେ ହେଲାଣି ତଳିଆ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ବୌଦ୍ଧ ଓ ହରଭଙ୍ଗା ବ୍ଲକର ନଦୀ କୂଳିଆ ପଞ୍ଚାୟତ ଗୁଡିକରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି । ଏବେବି କୃଷ୍ଣମୋହନପୁର ନିକଟସ୍ତ ବଲାଟ ସେତୁ ଉପରେ ପାଞ୍ଚ ଫୁଟ ଉପରେ ବନ୍ୟା ପାଣି ପ୍ରବାହିତ ହେଉଛି । ଜିଲ୍ଲା ପ୍ରଶାସନ ପକ୍ଷରୁ ବନ୍ୟା ବିପନ୍ନଙ୍କୁ ଉଦ୍ଧାର ସହିତ ରିଲିଫ ଯୋଗାଇ ଦିଆଯାଉଛି । ତେବେ କେତେକ ବନ୍ୟା ଅଞ୍ଚଳରେ ରିଲିଫ ମିଳିନଥିବା ଅଭିଯୋଗ ହୋଇଛି ।