ବୌଦ୍ଧ: କୋରୋନା ବ୍ୟାପିବାରୁ ରୋକିବା ପାଇଁ ସରକାର ଲକଡାଉନ ଘୋଷଣା କରିଛନ୍ତି । କିନ୍ତୁ ରାଜ୍ୟ ବାହାରୁ ଆସିଥିବା କିଛି ଲୋକ ପ୍ରଶାସନକୁ ସୂଚନା ନଦେଇ ଘରେ ଲୁଚି ରହୁଥିବା ଅଭିଯୋଗ ହୋଇଛି । ସେପଟେ ଶୁକ୍ରବାର ଦିନ ବୌଦ୍ଧ ଜିଲ୍ଲାର ତିନି ଜଣ କରୋନା ସନ୍ଦିଗ୍ଧଙ୍କ ରକ୍ତ ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଛି ।
ଚିକିତ୍ସା ଭୟରେ ଲୁଚୁଛନ୍ତି ଲୋକେ
କୋରୋନା ସଂକ୍ରମଣକୁ ନେଇ ଜିଲ୍ଲା ପ୍ରଶାସନ ଲୋକଙ୍କୁ ସଚେତନ ରହିବାକୁ ନିବେଦନ କରିବା ସହିତ ନିୟମ ଖିଲାପକାରୀଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଷ୍ପତ୍ତି ନେଇଛି । କିନ୍ତୁ କେତେକ ଲୋକେ ବିନା କାରଣରେ ବାହାରେ ବୁଲୁଥିବା ଦେଖିବାକୁ ମିଳୁଛି । କିଛି ସ୍ଥାନରେ ରାଜ୍ୟ ବାହାରୁ ଆସିଥିବା କିଛି ଲୋକେ ପ୍ରଶାସନ କିମ୍ବା ପୋଲିସକୁ ସୂଚନା ନଦେଇ ଘରେ ଲୁଚି ରହୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି ।