ବୌଦ୍ଧ: ନିର୍ମାଣ ଅବଧି ଶେଷ ହୋଇଗଲାଣି । କିନ୍ତୁ ଆଉ ଆଗେଇ ପାରୁନାହିଁ ବହୁ ପ୍ରତୀକ୍ଷିତ ଧଳପୁରରୁ ଆଠମଲ୍ଲିକକୁ ସଂଯୋଗ କରୁଥିବା ମହାନଦୀ ସେତୁ କାର୍ଯ୍ୟ । ଅଧପନ୍ତରିଆ ଅବସ୍ଥାରେ ପଡି ରହିଥିବା କାର୍ଯ୍ୟ ଧିମେଇ ଧିମେଇ ଚାଲିଛି ସେତୁ କାର୍ଯ୍ୟ । ଅବଧି ସରିଯାଇଥିବାବେଳେ ଏପର୍ଯ୍ୟନ୍ତ ସେତୁର ପିଲାର କାର୍ଯ୍ୟ ମଧ୍ୟ ସମ୍ପୂର୍ଣ୍ଣ ହୋଇନଥିବାରୁ ଅଞ୍ଚଳବାସୀ କ୍ଷୁବ୍ଧ ହୋଇଛନ୍ତି ।
ବୌଦ୍ଧ ଜିଲ୍ଲାର ଧଳପୁର ନିକଟରେ ଚାଲିଥିବା ମହାନଦୀ ସେତୁର କାର୍ଯ୍ୟ ଆଜି ପର୍ଯ୍ୟନ୍ତ । ଏହି ବହୁ ପ୍ରତୀକ୍ଷିତ ସେତୁର ଶିଳାନ୍ୟାସ 2016 ମସିହାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରିଥିଲେ । ଏହି ସେତୁର ନିର୍ମାଣ କାର୍ଯ୍ୟ ଗୁଜୁରାଟର ରଣଜିତ ବିଲ୍ଡକନକୁ ପ୍ରଦାନ କରାଯାଇଥିଲା । ମୋଟ 86 ଟି ପିଲାର ଓ ପ୍ରାୟ ପାଞ୍ଚ କିଲୋମିଟର ଦୀର୍ଘ ବିଶିଷ୍ଟ ଏହି ସେତୁର ମୋଟ ବ୍ୟୟ ଅଟକଳ 168.91 କୋଟି ରହିଥିଲା । କିନ୍ତୁ ଗତ ଡିସେମ୍ବର ମାସରେ ଏହି ସେତୁର ନିର୍ମାଣ ସମ୍ପୂର୍ଣ୍ଣ ପାଇଁ ସମୟ ଧାର୍ଯ୍ୟ କରାଯାଇଥିଲା । କିନ୍ତୁ ଆଜି ପର୍ଯ୍ୟନ୍ତ କେତୋଟି ପିଲାର ମଧ୍ୟ ସମ୍ପୂର୍ଣ୍ଣ ହୋଇନଥିବାରୁ ଏହା କେବେ ସମ୍ପୂର୍ଣ୍ଣ ହେବ ସେନେଇ ଉଠିଛି ପ୍ରଶ୍ନବାଚୀ ।