ବୌଦ୍ଧ: ଆଖି ପିଛୁଳାକେ ଟଙ୍କା ଭର୍ତ୍ତି ବ୍ୟାଗ ଲୁଟ କରିନେଲେ ଲୁଟେରା । ଅଭିଯୋଗ ଆସିଛି ବୌଦ୍ଧ ଜିଲ୍ଲାର ବାଉଁଶୁଣୀ ଥାନା ଅଞ୍ଚଳରୁ । ବାଉଁଶୁଣୀ ଥାନା ଅନ୍ତର୍ଗତ ବାଉଁଶୁଣୀ ଗାଁର ଜନୈକ ବ୍ୟକ୍ତିଙ୍କ ପାଖରୁ ଟଙ୍କା ଭର୍ତ୍ତି ବ୍ୟାଗ ଲୁଟ ହୋଇଥିବା ଅଭିଯୋଗ ହୋଇଛି । ଏନେଇ ବାଉଁଶୁଣୀ ଥାନାରେ ଏକ ଲିଖିତ ଅଭିଯୋଗ ହୋଇ କେସ ନଂ 131/19ରେ ତଦନ୍ତ ଆରମ୍ଭ କରିଛି ପୋଲିସ ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ସୂଚନା ମୁତାବକ ବାଉଁଶୁଣୀ ସୋନପୁରୀଆ ପଡାର ଚିତ୍ତ ରଞ୍ଜନ ମେହେର ନିଜ ଝିଅର ବାହାଘର ପାଇଁ ବୌଦ୍ଧ ଷ୍ଟେଟ ବ୍ୟାଙ୍କରୁ 2 ଲକ୍ଷ 80 ହଜାର ଟଙ୍କା ଉଠାଇଥିଲେ । ବାଇକର ଡିକିରେ ଏକ ବ୍ୟାଗରେ ସମୁଦାୟ ଟଙ୍କା ନ ରହିବାରୁ ସେ 2 ଲକ୍ଷ 40 ହଜାର ଟଙ୍କା ରଖି ବଳକା 40 ହଜାର ଟଙ୍କା ଅଲଗା ରଖିଥିଲେ । ଏହି ଟଙ୍କା ନେଇ ଚିତ୍ତ ରଞ୍ଜନ ବାଉଁଶୁଣୀସ୍ଥିତ ନିଜ ଘର ସମ୍ମୁଖରେ ଗାଡି ରଖି ଘର କବାଟ ଖୋଲିବାକୁ ଯାଇଥିଲେ । ହେଲେ କବାଟ ଖୋଲି ରାସ୍ତାକୁ ଫେରିବା ବେଳକୁ ବାଇକ ଡିକିରେ ଥିବା ଟଙ୍କା ବ୍ୟାଗକୁ ଲୁଟି ନେଇଥିଲେ ଦୁର୍ବୃତ୍ତ ।