ବୌଦ୍ଧ: ପ୍ରଚଣ୍ଡ ଗ୍ରୀଷ୍ମପ୍ରବାହରେ ସିଝୁଛି ସାରା ଜିଲ୍ଲା । ଗୋଟିଏ ପଟରେ ଗରମ ଗୁଳୁଗୁଳି ଯୋଗୁଁ ଜନଜୀବନ ଅସ୍ତବ୍ୟସ୍ତ ହେଉଥିବା ବେଳେ ଅନ୍ୟ ପଟରେ ବିଦ୍ୟୁତ ବିଭ୍ରାଟ ଓ ଲୋ ଭୋଲଟେଜ ସମସ୍ୟାରେ ଅତିଷ୍ଠ ସାଧାରଣ ମଣିଷ । ଏନେଇ ବାରମ୍ବାର ଅଭିଯୋଗ ପରେ ମଧ୍ୟ କୌଣସି ସୁଫଳ ନମିଳିବାରୁ ଶେଷରେ ରାଜରାସ୍ତା ଅବରୋଧ କଲେ ଉତ୍ତ୍ୟକ୍ତ ବିଦ୍ୟୁତ ଉପଭୋକ୍ତା ।
ବୌଦ୍ଧ ଜିଲ୍ଲା ବଢିଗାଁ ବିଦ୍ୟୁତ ଫିଡର ଉପରେ ଚାରି ଗୋଟି ପଞ୍ଚାୟତର ପଚିଶରୁ ଊର୍ଦ୍ଧ୍ବ ଗ୍ରାମବାସୀ ବିଦ୍ୟୁତ ବ୍ୟବହାର କରିଥାନ୍ତି । କିନ୍ତୁ ବର୍ତ୍ତମାନ ପ୍ରବଳ ଗରମ ସମୟରେ ଅଘୋଷିତ ବିଦ୍ୟୁତକାଟ ଏକ ସାଧାରଣ କଥା ହୋଇଥିବାରୁ ଅଞ୍ଚଳବାସୀ ଅତିଷ୍ଠ ହୋଇପଡିଛନ୍ତି । ଏ ସମ୍ପର୍କରେ ବିଦ୍ୟୁତ ବିଭାଗୀୟ କର୍ମଚାରୀଙ୍କୁ ଗୁହାରି ପରେ ମଧ୍ୟ କୌଣସି ସୁଫଳ ନମିଳିବାରୁ ଆଜି ସକାଳୁ ବଢିଗାଁ ଛକ ଠାରେ ବିଦ୍ୟୁତ ଉପଭୋକ୍ତା ମାନେ ରାସ୍ତା ଅବରୋଧ କରିବା ସହିତ ତୁରନ୍ତ ଏହାର ସମାଧାନ ପାଇଁ ଦାବି କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
