ବୌଦ୍ଧ: ଦେଶକୁ ସୁରକ୍ଷା ଦେଉଥିବା ସୈନିକଙ୍କ ଜମି ଉପରେ ମାଫିଆଙ୍କ ନଜର। ବୌଦ୍ଧ ଜିଲ୍ଲାରେ ଜମି ମାଫିଆମାନେ ଏତେ ମାତ୍ରାରେ ସକ୍ରିୟ ହୋଇଛନ୍ତି ସୈନିକଙ୍କ ପାଇଁ ଉଦ୍ଦିଷ୍ଟ ଜମିକୁ ମଧ୍ୟ ହଡପ କରିଛନ୍ତି । ପୂର୍ବରୁ ଜିଲ୍ଲାର ହରଭଙ୍ଗା, ବୌଦ୍ଧ ଓ କଣ୍ଟାମାଳ ତହସିଲ ଅଧିନରେ ଜମି ଦୁର୍ନୀତି ଚଳିତ ଶତାବ୍ଦୀର ସର୍ବବୃହତ ଦୁର୍ନୀତି ହୋଇଥିଲା । ହେଲେ ବର୍ତ୍ତମାନ ସମୟରେ ସୈନିକଙ୍କ ପାଇଁ ଉଦ୍ଦିଷ୍ଟ ସଂରକ୍ଷିତ ଜମି ଲୁଟ ଘଟଣା ସାମ୍ନାକୁ ଆସିଛି।
ଭିଡିଓ ସୌଜନ୍ୟ: ପ୍ରତିନିଧି ବୌଦ୍ଧ
ବୌଦ୍ଧ ଜିଲ୍ଲାର ଜମି ଦୁର୍ନୀତିର ଚେର ଏତେ ଶକ୍ତିଶାଳୀ ଯେ ଗତ ଦୁଇ ବର୍ଷ ତଳେ ଜିଲ୍ଲା ପ୍ରଶାସନ ସରକାରୀ ଖାତାକୁ ମାଫିଆଙ୍କ କବଳରୁ ଜମି ଫେରାଇବା ମିଶନ କୌଣସି ଅଦୃଶ୍ୟ ଚାପରୁ ଫେଲ ମାରିଲା। ତତ୍କାଳୀନ ଜିଲ୍ଲାପାଳ ଓ ତହସିଲଦାର କୋଟି କୋଟି ଟଙ୍କାର ଜମିକୁ କେଉଁ ନିୟମ ଓ ଆଧାର ବଳରେ ମାଫିଆ ମାନଙ୍କୁ ପ୍ରଦାନ କଲେ, ତାର ତଦନ୍ତ ଅନ୍ଧାରରେ ରହିଥିବା ବେଳେ ଏବେ ପୁଣି ଜମି ମାଫିଆ ଜିଲ୍ଲାରେ ସକ୍ରିୟ ହୋଇଛନ୍ତି ।