ବୌଦ୍ଧ: ଜଣେ ଅସହାୟ ଗରିବ ଚାଷୀର ଜମି ହଡପ ପାଇଁ ଉଦ୍ୟମ ହୋଇଥିବା ଅଭିଯୋଗ ହୋଇଛି । ନିଜ ଜମିରେ ଫଳାଇଥିବା ପନିପରିବା ଗଛକୁ କେତେକ ଦୁର୍ବୃତ୍ତ ନଷ୍ଟ କରିଦେଇଥିବା ବେଳେ ଏନେଇ ଥାନାକୁ ପହଞ୍ଚିଛି ମାମଲା । ବୌଦ୍ଧରେ ଜମି ମାଫିଆ ଓ ଦଲାଲ ସକ୍ରିୟ ହୋଇ ଉଠିଥିବା ଜଣାପଡିଛି । ମୂଲ୍ୟବାନ ଜମିକୁ ଶାଗମାଛ ଦରରେ କିଣି ଦଲାଲିରାଜ ଚଳାଇଛନ୍ତି ମାଫିଆ । କଳେବଳେ କୌଶଳରେ ଜମି ହାତେଇବାକୁ ଚେଷ୍ଟା କରୁଛନ୍ତି ଏସବୁ ଦଲଲ । ଏମିତି ଏକ ଅଭିଯୋଗ ଆସିଛି ବୌଦ୍ଧ ଜିଲ୍ଲା ବୁଟୁପାଲିରୁ ।
ଜମି ମାଫିଆଙ୍କ ଦୌରାତ୍ମ୍ୟ,ଚାଷୀଙ୍କ ଦୋକାନ ସହ ଚାଷ ନଷ୍ଟ କରିଦେଇଥିବା ଅଭିଯୋଗ ଜମି ମାଫିଆଙ୍କ ଦୌରାତ୍ମ୍ୟ,ଚାଷୀଙ୍କ ଦୋକାନ ସହ ଚାଷ ନଷ୍ଟ କରିଦେଇଥିବା ଅଭିଯୋଗ ସୂଚନା ମୁତାବକ, ଲକଡାଉନ ସମୟରେ ଜଣେ ଗରିବ ଚାଷୀ ବୁଟୁପାଲି ଉପକଣ୍ଠରେ ଥିବା ନିଜ ଜମିରେ ପନିପରିବା ଚାଷ ଆରମ୍ଭ କରି ପରିବାର ଚଳାଉଥିଲେ । ତେବେ ଗତକାଲି କିଛି ଦୁର୍ବୃତ୍ତ ଚାଷୀଙ୍କ ଏକ ଅସ୍ଥାୟୀ ଦୋକାନକୁ ଭାଙ୍ଗି ଦେବା ସହ ପନିପରିବା ବଗିଚାକୁ ସମ୍ପୂର୍ଣ୍ଣ ନଷ୍ଟ କରିଦେଇଛନ୍ତି । ଏନେଇ ଚାଷୀ ଜଣକ ବୌଦ୍ଧ ଥାନାରେ ଅଭିଯୋଗ କରିଛନ୍ତି । ତେବେ ଜମି ମାଫିଆଙ୍କ ଲୋଲୁପ ଦୃଷ୍ଟି ଚାଷୀଙ୍କ ମୂଲ୍ୟବାନ ଜମି ଉପରେ ଥିବାରୁ ଏଭଳି ଆକ୍ରୋଶମୂଳକ ପଦକ୍ଷେପ ନିଆଯାଇ ଥିବା ବୁଦ୍ଧିଜୀବୀ ମତ ଦେବାସହ ଏହାର ଘୋର ନିନ୍ଦା କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
