ବୌଦ୍ଧ: ବିଦ୍ୟୁତ ଆଘାତରେ ଅକାଳରେ ଶ୍ରମିକଙ୍କ ମୃତ୍ୟୁ । ଚିକିତ୍ସା ପାଇଁ ଡାକ୍ତରଖାନା ନେବାକୁ ଦୀର୍ଘ ସମୟ ଧରି ଆମ୍ବୁଲାନ୍ସ ଅପେକ୍ଷା କରିବା ପରେ ବି ହୋଇ ପାରିଲାନି କୌଣସି ସୁବିଧା । ଆମ୍ବଲାନ୍ସ ଅନ୍ୟତ୍ର ଯାଇଥିବାରୁ ସମଯରେ ଶ୍ରମିକଙ୍କ ଚିକିତ୍ସା ପାଇଁ ପହଞ୍ଚି ପାରିନଥିଲା । ଫଳରେ ଶ୍ରମିକ ଜଣଙ୍କ ଆଖି ବୁଜିଥିବା ପରିବାର ଲୋକେ ଅଭିଯୋଗ କରିଛନ୍ତି ।
ଆସିଲାନି ଆମ୍ବୁଲାନ୍ସ, ଆଖି ବୁଜିଲେ ଗୁରୁତର ଶ୍ରମିକ
ସୂଚନା ଅନୁଯାୟୀ ସ୍ଥାନୀୟ ଟିକରପଡା ପଞ୍ଚାୟତ ବନ୍ଧସାହିର ରାଜୁ ବେହେରା ପିତାମାତାଙ୍କ ସହ ପ୍ରତ୍ୟେକ ଦିନ ଭଳି ଇଟା ଗଢିବାକୁ ବାହାରିଥିଲା । ଗାଁ ନିକଟସ୍ଥ ବଘିଆପଡା ପଞ୍ଚାୟତର ଫୁରୁଡା ଗାଁରେ ଜନୈକ ବ୍ୟକ୍ତିଙ୍କ ଘର ତିଆରି ପାଇଁ ଇଟା ଗଢା ଚାଲିଥିଲା । ଏହି ସମୟରେ ଏକ ଗଛର ଡାଳକୁ କାଢିବା ସମୟରେ ଅସାବଧାନତା ଯୋଗୁଁ ଡାଳରେ ଲାଗିଥିବା ବିଦ୍ୟୁତ ତାର ସଂସ୍ପର୍ଶରେ ଆସି ରାଜୁ ଗୁରୁତର ହୋଇପଡିଥିଲେ ।