ବୌଦ୍ଧ:ନିର୍ମାଣ ଶ୍ରମିକ ସଂଗଠନର ଦାବି ଆଗରେ ମୁଣ୍ଡ ନୁଆଁଇଲା ଜିଲ୍ଲା ଶ୍ରମ ବିଭାଗ । ଜିଲ୍ଲାରେ ଶ୍ରମିକ ମାନଙ୍କୁ ଦୀର୍ଘ ଦିନ ହେଲା ସରକାରଙ୍କ ପ୍ରଦତ୍ତ ବିବାହ, ଶିକ୍ଷା, ମୃତ୍ୟୁକାଳୀନ ସହାୟତା ମିଳିପାରୁ ନଥିଲା । ପରେ ସେମାନେ ବିଭିନ୍ନ ଦାବି ନେଇ ଦୁଇ ଦିନ ଧରି ଜିଲ୍ଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ପରେ ଶ୍ରମ ବିଭାଗ ସଂଗଠନର ବିଭିନ୍ନ ଦାବିକୁ ମାନି ଲିଖିତ ପ୍ରତିଶ୍ରୁତି ଦେବା ପରେ ଗଣଧାରଣା ପ୍ରତ୍ୟାହୃତ ହୋଇଛି ।
ଦୁଇ ଦିନର ଧାରଣା ପରେ ବୌଦ୍ଧ ଜିଲ୍ଲାର ନିର୍ମାଣ ଶ୍ରମିକ ସଂଗଠନ ଆନ୍ଦୋଳନରୁ ଓହରିଛି । ବିଭିନ୍ନ ବିଭିନ୍ନ ନିର୍ମାଣ ଶ୍ରମିକ ସଂଗଠନ ପକ୍ଷରୁ ସୋମବାର ଓ ମଙ୍ଗଳବାର ଦୁଇ ଦିନ ଧରି ଦିନରାତି ଶହ ଶହ ଶ୍ରମିକ ଜିଲ୍ଲା ଶ୍ରମ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଥିଲେ । ଶ୍ରମିକ ମାନଙ୍କୁ ଶ୍ରମ ବିଭାଗ ପ୍ରଦାନ କରିଥିବା ବ୍ୟାଙ୍କ ଚେକ କାମ ଦେଉନଥିବା ବେଳେ ବିଭାଗ ଶ୍ରମିକଙ୍କୁ ଭୂଆଁ ବୁଲାଇଥିବା ଶ୍ରମିକମାନେ ଅଭିଯୋଗ କରିଛନ୍ତି ।
ଶ୍ରମିକଙ୍କୁ ଦୀର୍ଘ ଦିନ ହେଲା ସରକାରଙ୍କ ପ୍ରଦତ୍ତ ବିବାହ, ଶିକ୍ଷା, ମୃତ୍ୟୁ କାଳୀନ ସହାୟତା ଦୀର୍ଘ ଦିନ ହେଲା ମିଳିପାରୁ ନଥିଲା । ଏହାର ପ୍ରତିବାଦରେ ଗତ ଦୁଇ ଦିନ ଧରି ଶ୍ରମିକମାନେ ଧାରଣାରେ ବସିଥିଲେ । ତେବେ ଗତକାଲି ମଧ୍ୟ ରାତିରେ ଶ୍ରମିକ ସଂଗଠନ ପ୍ରତିନିଧିଙ୍କ ସହିତ ଜିଲ୍ଲା ଶ୍ରମ ଅଧିକାରୀ ଆଲୋଚନା କରିବା ସହିତ ସମସ୍ତ ଦାବିକୁ ମାନିବା ସହିତ ଲିଖିତ ପ୍ରତିଶ୍ରୁତି ଦେବା ପରେ ଶ୍ରମିକମାନେ ଆନ୍ଦୋଳନରୁ ଓହରିଛନ୍ତି ।