ବୌଦ୍ଧ: ଲକଡାଉନ ସମୟରେ ଉନ୍ନୟନ କାର୍ଯ୍ୟରେ ଶ୍ରମିକ ନିୟୋଜନ ଅଭିଯୋଗ ହୋଇଛି । ଅଭିଯୋଗ ମିଳିବା ପରେ ଶ୍ରମ ଅଧିକାରୀ ସମ୍ପୃକ୍ତ ସ୍ଥାନକୁ ଯାଇ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ବନ୍ଦ ପାଇଁ ନିର୍ଦ୍ଦେଶ ଦେବା ସହ ସ୍ବଚ୍ଛତା ଓ ସାମାଜିକ ଦୂରତା ବଜାୟ ରଖିବାକୁ ପରାମର୍ଶ ଦେଇଛନ୍ତି । ଘଟଣାଟି ହେଉଛି ବୌଦ୍ଧ ଜିଲ୍ଲା ହରଭଙ୍ଗା, ବୌଦ୍ଧ ଓ କଣ୍ଟାମାଳ ବ୍ଲକର ବିଭିନ୍ନ ସ୍ଥାନର । ଯେଉଁଠି ପହଞ୍ଚି ଉନ୍ନୟନ କାର୍ଯ୍ୟରେ ଶ୍ରମିକଙ୍କୁ ନିୟୋଜନ କରାଯାଉଥିବା ସ୍ଥାନ ଗୁଡିକକୁ ଶ୍ରମ ଅଧିକାରୀ ତଦନ୍ତ କରିଛନ୍ତି ।
ଲକଡାଉନ ସତ୍ତ୍ବେ ଶ୍ରମିକ ନିୟୋଜନ, ଯାଞ୍ଚ କଲେ ବୌଦ୍ଧ ଶ୍ରମ ଅଧିକାରୀ
ସମ୍ପୃକ୍ତ ସ୍ଥାନ ଗୁଡିକରେ ଲକଡାଉନ ସତ୍ତ୍ବେ ନିର୍ମାଣ କାର୍ଯ୍ୟ ଚାଲିଥିବାରୁ ଏହାକୁ ସମ୍ପୂର୍ଣ୍ଣ ବନ୍ଦ ରଖିବାକୁ ନିର୍ଦ୍ଦେଶ ଦେବା ସହ ସ୍ବଚ୍ଛତା ଓ ସାମାଜିକ ଦୂରତା ଉପରେ ବିଶେଷ ଗୁରୁତ୍ବ ଦେବାକୁ ପରାମର୍ଶ ଦିଆଯାଇଛି । ଶନିବାର କଣ୍ଟାମାଳ ବ୍ଲକର ମେଗା ପାନୀୟ ଜଳ ଯୋଗାଣ ପ୍ରକଳ୍ପ ସ୍ଥାନକୁ ପରିଦର୍ଶନ କରି ଶ୍ରମିକମାନଙ୍କ ସହ ଆଲୋଚନା କରିଥିଲେ ଶ୍ରମ ଅଧିକାରୀ ।