ଜଳେଶପଟା ଆଶ୍ରମ ଗୁଳିକାଣ୍ଡ ଘଟଣା: ସ୍ବର୍ଗତଃ କିଶୋରୀ ବାବାଙ୍କ ଘରେ 'ଇଟିଭି ଭାରତ' ଟିମ

ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ହତ୍ୟାକାଣ୍ଡକୁ ପୂରିଛି ଏଗାର ବର୍ଷ । ଆତତାୟୀଙ୍କ ଗୁଳିରେ ସ୍ବାମୀଜୀଙ୍କ ସହ ଅନ୍ୟ ପାଞ୍ଚ ଜଣ ସହଯୋଗୀ ମଧ୍ୟ ଏହି ନାରକୀୟ କାଣ୍ଡରେ ମୃତ୍ୟୁବରଣ କରିଥିଲେ । ଏହି ହତ୍ୟାକାଣ୍ଡରେ ଜୀବନ ଦେଇଥିଲେ କିଶୋରୀ ବାବା । ତେବେ ତାଙ୍କର ମୃତ୍ୟୁ ପରେ କେମିତି ଅଛନ୍ତି ତାଙ୍କ ପରିବାର ତାଙ୍କ ସହ ଅଧିକ ଆଲୋଚନା କରିଥିଲା ଆମ ଟିମ ।

ବୌଦ୍ଧ: ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ହତ୍ୟାକାଣ୍ଡକୁ ପୁରିଛି ଏଗାର ବର୍ଷ । ଏଗାର ବର୍ଷ ତଳେ ଆତତାୟୀଙ୍କ ଗୁଳିରେ ସ୍ବାମୀଜୀଙ୍କ ସହ ଅନ୍ୟ ପାଞ୍ଚ ଜଣ ସହଯୋଗୀ ମଧ୍ୟ ଏହି ନାରକୀୟ କାଣ୍ଡରେ ମୃତ୍ୟୁବରଣ କରିଥିଲେ । ତନ୍ମଧ୍ୟରୁ ବୌଦ୍ଧ ଜିଲ୍ଲା ପଦ୍ମନପୁର ପଞ୍ଚାୟତ ଅନ୍ତର୍ଗତ ମୁକୁନ୍ଦପୁର ଗ୍ରାମର କିଶୋରୀ ବାବା ଅନ୍ୟତମ । କିଶୋରୀଙ୍କ ହତ୍ୟାକାଣ୍ଡର ଏଗାର ବର୍ଷ ପରେ ତାଙ୍କ ପରିବାର କିଭଳି ଅଛନ୍ତି, ତାହା ଜାଣିବାକୁ ଆମ ଟିମ ପହଞ୍ଚିଥିଲା ମୁକୁନ୍ଦପୁର ଗ୍ରାମରେ ।

ବର୍ତ୍ତମାନ ସମୟରେ କିଶୋରୀଙ୍କ ପରିବାର ଅତ୍ୟନ୍ତ ଦୁଃଖଦ ପରିସ୍ଥିତିରେ କାଳ କାଟୁଛନ୍ତି । କିଶୋରୀଙ୍କ ବିଧବା ସ୍ତ୍ରୀ ସରକାରଙ୍କ କିଛି ଆର୍ଥିକ ସହାୟତା ସହ ବିଧବା ଭତ୍ତାରେ ପରିବାର ପ୍ରତିପୋଷଣ କରୁଛନ୍ତି । ଭଲ ଘର ଖଣ୍ଡେ ଏହି ପରିବାରକୁ ଆଜି ଯାଏଁ ମିଳିପାରିନାହିଁ । ଅନ୍ୟ ପକ୍ଷରେ ପୁଅଝିଅ ଉଭୟେ କଲେଜ ପର୍ଯ୍ୟନ୍ତ ପାଠ ପଢିଥିଲେ ମଧ୍ୟ କୌଣସି ନିଯୁକ୍ତି ପାରିପାରି ନାହାଁନ୍ତି । ତୁରନ୍ତ ସରକାର ଏହି ପରିବାରକୁ ସାହାଯ୍ୟ କରିବାକୁ ସାଧାରଣରେ ଦାବି ହୋଇଛି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ