ବୌଦ୍ଧ:ଜିଲ୍ଲାରେ ବିପର୍ଯ୍ୟସ୍ତ ହୋଇପଡିଛି ସ୍ବାସ୍ଥ୍ୟସେବା। ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରକୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପରିଣତ ପାଇଁ ସରକାର ମଞ୍ଜୁରୀ ଦେଲେ । ହେଲେ ମଞ୍ଜୁରୀକୁ ଚାରି ବର୍ଷ ପରେ ମଧ୍ୟ ହରଭଙ୍ଗା ଠାରେ ଥିବା ସ୍ବାସ୍ଥ୍ୟ କେନ୍ଦ୍ରଟି କେବଳ ଏକ ପିଏଚସିରେ ସୀମିତ ରହିଛି । ତେବେ ରାଜତନ୍ତ୍ର ଶାସନ କାଳରେ ଏଠାରେ ପ୍ରତିଷ୍ଠା କରାଯାଇଥିବା ସୌଦାମିନୀ ଦାତବ୍ୟ ଚିକିତ୍ସାଳୟ ଦେଶ ସ୍ବାଧୀନତା ପରେ ଏକ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ପରିଣତ ହୋଇଥିଲା ।
ସିଏଚସି ପାଇଁ ମଞ୍ଜୁରୀର ଚାରି ବର୍ଷ ପରେ ମଧ୍ୟ ଆଗେଇ ପାରୁନି କାର୍ଯ୍ୟ
ତେବେ ଏହି ଡାକ୍ତରଖାନା ଉପରେ ଅଞ୍ଚଳର ପ୍ରାୟ ସାତ ଖଣ୍ଡ ପଞ୍ଚାୟତବାସୀ ସ୍ବାସ୍ଥ୍ୟ ସେବା ପାଇଁ ନିର୍ଭରଶୀଳ । ଏହାଛଡା ଅଞ୍ଚଳବାସୀଙ୍କ ଦୀର୍ଘ ଦିନର ଦାବି ପରେ 2017 ମସିହାରେ ସରକାର ଏହି ପିଏଚସିକୁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପରିଣତ ପାଇଁ ମଞ୍ଜୁରୀ ଦେଇଥିଲେ । ହେଲେ ଇତି ମଧ୍ୟରେ ମଞ୍ଜୁରୀକୁ ଚାରି ବର୍ଷ ବିତିଯାଇଛି ।