ବୌଦ୍ଧ: ଜିଲ୍ଲାର ଲାଇଫ ଲାଇନ କୁହାଯାଉଥିବା ବାଘ ଜଳସେଚନ ପ୍ରକଳ୍ପ ଏବେ ବିଭାଗୀୟ ଉଦାସୀନତା କାରଣରୁ ଅବହେଳିତ ହୋଇ ପଡିଛି । 1990 ଦଶକରେ ବୌଦ୍ଧର ତତ୍କାଳୀନ ବିଧାୟକ ସଚ୍ଚିଦାନନ୍ଦ ଦଲାଲଙ୍କ ପ୍ରଚେଷ୍ଟା ଯୋଗୁଁ ଶଗଡା ନିକଟରେ ବାଘନଦୀ ଉପରେ 7564.89 ଲକ୍ଷ ଟଙ୍କା ବ୍ୟୟ ଅଟକଳରେ ଏହି ପ୍ରକଳ୍ପଟି ନିର୍ମାଣ କରାଯାଇଥିଲା । ଲକ୍ଷ୍ୟ ଥିଲା 9660 ହେକ୍ଟର ଅଞ୍ଚଳକୁ ଜଳସେଚନ ସୁବିଧା ଯୋଗାଇ ଦିଆଯିବ । ଦୀର୍ଘ ବର୍ଷ ଏନେଇ ସଫଳତା ମଧ୍ୟ ମିଳିଲା । କିନ୍ତୁ ଦୀର୍ଘ ବର୍ଷର ଏହି ପ୍ରକଳ୍ପ ଏବେ ବିଭାଗୀୟ ଉଦାସୀନତାର ଶିକାର ହୋଇଛି ।
ବିଭାଗୀୟ ଅପାରଗତା ଯୋଗୁଁ ଅବ୍ୟବସ୍ଥିତ ବାଘ ଜଳସେଚନ ପ୍ରକଳ୍ପ
ପ୍ରାକୃତିକ ସୌନ୍ଦର୍ଯ୍ୟ ମଧ୍ୟରେ ଅବସ୍ଥିତ ଏହି ପ୍ରକଳ୍ପ ଏବେ ଶ୍ରୀହୀନ ହେବାକୁ ବସିଛି । ସୁନା ଅଣ୍ଡା ଦିଆ କୁକୁଡ଼ା କୁ ସମ୍ପୂର୍ଣ୍ଣ ରୂପେ ମାରି ବିରିଆନି କରି ଖାଇବା ଲକ୍ଷ୍ୟରେ ବିଭାଗ ଭଳି ମନେ ହେଉଛି । ସେଠାରେ ଥିବା ପାର୍କର ଅବସ୍ଥା ନକହିବା ଭଲ ।