ବୌଦ୍ଧ: କୋରୋନା ସଂକ୍ରମଣର ପ୍ରତିହତ ପାଇଁ ସବୁଆଡେ ଲକଡାଉନ ଥିବା ବେଳେ ବୌଦ୍ଧ ଜିଲ୍ଲାରେ ଚୋରା ମଦ କାରବାର ବ୍ୟାପକ ପରିମାଣରେ ବୃଦ୍ଧି ପାଇଛି । ଏହି କ୍ରମରେ ଶନିବାର ଅବକାରୀ ବିଭାଗ ବୌଦ୍ଧ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ବିଜାପଦର ଗ୍ରାମରେ ଚଢାଉ କରିଥିଲା । ଚଢାଉ ବେଳେ ବ୍ୟାପକ ବିଦେଶୀ ମଦ ଜବତ ସହିତ ଜଣେ ଯୁବକକୁ ଗିରଫ କରି କୋର୍ଟ ଚାଲାଣ କରାଯାଇଛି ।
ଲକଡାଉନ ବେଳେ ବିପୁଳ ପରିମାଣର ଚୋରା ମଦ ଜବତ କଲା ଅବକାରୀ ବିଭାଗ, ଜଣେ ଗିରଫ ବିଜାପଦର ଗ୍ରାମର ଏକ ନିର୍ଦ୍ଦିଷ୍ଟ କାଉଣ୍ଟରରେ ବିଦେଶୀ ମଦ ଚୋରାରେ ଗଛିତ କରାଯାଇ ବେପାର ଚାଲିଥିବା ନେଇ ସୂଚନା ମିଳିଥିଲା । ଯାହାକୁ ଆଧାର କରି ଅବକାରୀ ବିଭାଗ ଏହି ଚଢାଉ କରିଥିଲା । ସେପଟେ ଏଭଳି ସମୟରେ କିଭଳି ଓ କେଉଁ ପରିସ୍ଥିତିରେ ଏଭଳି ଚୋରା ମଦ କାରବାର ହେଉଛି ତାର ମଧ୍ୟ ତଦନ୍ତ କରାଯାଉଛି । ତେବେ ବୌଦ୍ଧ ସହର ସହିତ ପୁରୁଣାକଟକ, ବାଉଁଶୁଣୀ, ମନମୁଣ୍ଡା, କଣ୍ଟାମାଳ, ଘଣ୍ଟାପଡା ଆଦି ବିଭିନ୍ନ ସ୍ଥାନରେ ଚୋରା ମଦ କାରବାର ଚାଲିଥିବା ନେଇ ସୂଚନା ମିଳିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
