ବୌଦ୍ଧ: ବେଆଇନ ବ୍ଲାଷ୍ଟିଂ ବିରୋଧରେ ପ୍ରତିବାଦର ସ୍ବର ତେଜିବାରେ ଲାଗିଛି। ଏହା ବିରୋଧରେ ତୁରନ୍ତ ପଦକ୍ଷେପ ଗ୍ରହଣ କରାନଗଲେ ଅଞ୍ଚଳବାସୀ ରାଜରାସ୍ତାକୁ ଓହ୍ଲାଇବେ । ବୌଦ୍ଧର ଗୋଛାପଡା ଓ ବାଇଶପଡା ଅଞ୍ଚଳରେ ଥିବା କ୍ରସର ୟୁନିଟ ଯୋଗୁଁ ଏବେ ଧୀରେ ଧୀରେ ପରିବେଶ ଓ ମଣିଷ ସମାଜ ଉପରେ ଏହାର ପ୍ରଭାବ ପଡିବା ଆରମ୍ଭ ହୋଇଗଲାଣି।
କ୍ରସର ୟୁନିଟର ବେଆଇନ ବ୍ଲାଷ୍ଟିଂ ଯୋଗୁଁ ଜନଜୀବନ ଅସ୍ତବ୍ୟସ୍ତ
ବିଶେଷ ଭାବେ ଗୋଛାପଡା ଅଞ୍ଚଳରେ ଥିବା ବେଆଇନ ପାଞ୍ଚଟି କ୍ରସର ଓ ଖରଭୂଇଁ ଅଞ୍ଚଳର ତିନୋଟି କ୍ରସରର ବେଆଇନ ବ୍ଲାଷ୍ଟିଂ ଯୋଗୁଁ ଏବେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ବନ୍ୟପ୍ରାଣୀ, ଗୃହପାଳିତ ପଶୁ ,ପରିବେଶ, ଜଙ୍ଗଲ ସହିତ ମଣିଷ ଉପରେ ମଧ୍ୟ ଏହାର କୁପ୍ରଭାବ ପଡୁଛି।