ବୌଦ୍ଧ: ଗତବର୍ଷ ଜିଲ୍ଲାର ପ୍ରାକୃତିକ ବିପର୍ଯ୍ୟୟ ତଥା ଘୂର୍ଣ୍ଣିଝଡ଼ ପ୍ରଭାବରେ ଚାଷୀମାନେ ବିଶେଷ ଭାବରେ ପ୍ରଭାବିତ ହୋଇଥିଲେ । ତେବେ ପ୍ରଭାବିତ ଚାଷୀଙ୍କୁ ତୁରନ୍ତ ସହାୟତା ରାଶି ପ୍ରଦାନ କରିବା ଦାବିରେ ଗୁରୁବାରଠାରୁ ଭାରତୀୟ କିଷାନ ସଂଘ ପକ୍ଷରୁ ଆମରଣ ଅନଶନ କରାଯାଇ ଶୁକ୍ରବାର ଦ୍ବିତୀୟ ଦିନରେ ମଧ୍ୟ ବିକ୍ଷୋଭ ପ୍ରଦର୍ଶନ କରାଯାଉଛି ।
କ୍ଷତିଗ୍ରସ୍ତ ଚାଷୀଙ୍କୁ ସହାୟତା ରାଶି ପ୍ରଦାନ ଦାବିରେ ଆମରଣ ଅନଶନ
ମିଳିଥିବା ସୂଚନା ଅନୁସାରେ, ଗତ ବର୍ଷ ପ୍ରାକୃତିକ ବିପର୍ଯ୍ୟୟ 'ପେଥେଇ' ଘୂର୍ଣ୍ଣିଝଡରେ ଜିଲ୍ଲା ହରଭଙ୍ଗା ତହସିଲ ଅନ୍ତର୍ଗତ ଧଳପୁର ରାଜସ୍ବ ମଣ୍ଡଳରେ ଚାଷୀମାନେ ପ୍ରଭାବିତ ହୋଇଥିଲେ । ତେବେ ପ୍ରଭାବିତ ଚାଷୀମାନଙ୍କ ଲାଗି ଆସିଥିବା ସରକାରୀ ସହାୟତା ଏପର୍ଯ୍ୟନ୍ତ ସେମାନଙ୍କୁ ମିଳିପାରିନାହିଁ ।