ବୌଦ୍ଧ: ଷ୍ଟୋନ କ୍ରସର ସ୍ଥାପନ ଯୋଗୁଁ ପରିବେଶ ପ୍ରଦୂଷଣ ସହ ଜୀବନ ଜୀବିକା ଉପରେ ପ୍ରଭାବ ପଡୁଥିବା ଅଭିଯୋଗ କରି ମହିଳା ଗୋଷ୍ଠୀଙ୍କ ବିରୋଧ ସହ ବିକ୍ଷୋଭ ପ୍ରଦର୍ଶନ । ବୌଦ୍ଧ ଜିଲ୍ଲା ହରଭଙ୍ଗା ତହସିଲ ଅନ୍ତର୍ଗତ ବାଇଶପଡା ଓ ଖରଭୂଇଁ ଅଞ୍ଚଳରେ ଚାରୋଟି ଷ୍ଟୋନ କ୍ରସର ରହିଛି । ସରକାରୀ ନିୟମ ପ୍ରକାରେ କ୍ରସର ଖୋଲାଯାଇଥିଲେ ମଧ୍ୟ ବିଭିନ୍ନ ସମୟରେ ପରିବେଶ ପ୍ରଦୂଷଣ ଓ ବ୍ଲାଷ୍ଟିଂକୁ ନେଇ ଅଭିଯୋଗ ହୋଇଆସୁଥିଲା ।
ସୋମବାର ଅଞ୍ଚଳର 12ଟି ସ୍ବୟଂ ସହାୟକ ଗୋଷ୍ଠୀର ଶତାଧିକ ମହିଳା ଏକତ୍ରିତ ହୋଇ ଏକ ନିର୍ଦ୍ଦିଷ୍ଟ କ୍ରସର ପରିସରରେ ପଶି ବିକ୍ଷୋଭ ପ୍ରଦର୍ଶନ ସହ ବ୍ୟାପକ ଭଙ୍ଗାରୁଜା କରିଥିବା ନେଇ ସୂଚନା ମିଳିଛି । କ୍ରସରରେ ଥିବା ଆଠ ଶହ ଲିଟର ଡିଜେଲ ଢାଳି ଦେବା ସହ ବିଭିନ୍ନ ସାମଗ୍ରୀ ଭଙ୍ଗାରୁଜା କରିଥିବା ଜଣାପଡ଼ିଛି ।
ତେବେ ସବୁଠାରୁ ଆଶ୍ଚର୍ଯ୍ୟର କଥା ହରଭଙ୍ଗା ପୋଲିସ ନିକଟରେ ସବୁକିଛି ଘଟଣାର ସୂଚନା ଥିଲେ ମଧ୍ୟ କାହିଁକି ଚୁପ ବସିଛି ପ୍ରଶାସନ । ସେପଟେ ଏକ ନିର୍ଦ୍ଦିଷ୍ଟ କ୍ରସର ବିରୋଧରେ ଆନ୍ଦୋଳନକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ