ବୌଦ୍ଧ: ଜିଲ୍ଲାପାଳଙ୍କ ଅଭିଯୋଗ ଶୁଣାଣି ପ୍ରକୋଷ୍ଠରେ କୁକୁଡା ରାବ । ଶୁଣାଣି ସମୟରେ ରାବିଲା କୁକୁଡା । ଯାହା ବିଭିନ୍ନ ଅଭିଯୋଗ ନେଇ ଆସିଥିବା ଅଭିଯୋଗକାରୀଙ୍କୁ ଆଶ୍ଚର୍ଯ୍ୟ କରିଥିଲା । ତେବେ ଏହି କୁକୁଡାକୁ ଜଣେ ଅଭିଯୋଗକାରୀ ସାଙ୍ଗରେ ଆଣିଥିବା ଜଣାପଡିଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ବୌଦ୍ଧ
ଜିଲ୍ଲାପାଳଙ୍କ ନୂତନ ଅଭିଯୋଗ ଶୁଣାଣି ପ୍ରକୋଷ୍ଠ ଏକ ନୂତନ କଳେବରରେ ସୋମବାର ଆରମ୍ଭ ହୋଇଥିଲା । ଅନେକ ଲୋକ ନିଜ ନିଜର ସମସ୍ୟା ନେଇ ଜିଲ୍ଲା ପ୍ରଶାସନ ପାଖରେ ଫେରାଦ ହୋଇଥିଲେ । ଶୁଣାଣି ଚାଲିଥିବା ସମୟରେ ପ୍ରକୋଷ୍ଠରେ କୁକୁଡା ରାବ ଶୁଭିଥିଲା । ଯାହାକୁ ନେଇ ସମସ୍ତେ ଆଶ୍ଚର୍ଯ୍ୟ ଚକିତ ହୋଇଥିଲେ । ପରେ ଦେଖାଗଲା ଯେ ବାଣୀଭୂଷଣପୁର ପଞ୍ଚାୟତର ଝାଡରାଜିଂରୁ ଆସିଥିବା ଜନୈକା ମହିଳା ଏହି କୁକୁଡା ଆଣିଥିଲେ । ସେ ନିଜ ସମସ୍ୟାର ଗୁହାରି କରିବାକୁ ଆସିଥିବାବେଳେ ଦୁଇଟି କୁକୁଡା ବିକ୍ରି କରିବାକୁ ଆଣିଥିବା ଜଣାପଡିଥିଲା ।