ବୌଦ୍ଧ: କୃଷି ଓ କୃଷକର ଉନ୍ନତି ପାଇଁ ସରକାର ଅନେକ ଯୋଜନା କରିଛନ୍ତି । ଏଥିପାଇଁ କୋଟି କୋଟି ଟଙ୍କା ଖର୍ଚ୍ଚ ମଧ୍ୟ କରାଯାଉଛି । କିନ୍ତୁ ଉପଯୁକ୍ତ ତାଳମେଳ ଓ ଏହାର ବିନିଯୋଗ କାର୍ଯ୍ୟ ଠିକରେ ନହୋଇ ପାରିବାରୁ ଏହାର ସୁଫଳ ଚାଷୀ ପାଇବାରୁ ବଞ୍ଚିତ ହେଉଛନ୍ତି । ଏଭଳି ଏକ ଯୋଜନା ହେଲା ଗୋଷ୍ଠୀ ଖଳା । ସରକାର ଚାଷୀଙ୍କ ଧାନ ସଂଗ୍ରହ ଓ ଧାନ କ୍ରୟ ପାଇଁ କୃଷି ବିଭାଗ ଓ ନିୟନ୍ତ୍ରିତ ବଜାର କମିଟି ଜରିଆରେ ଗୋଷ୍ଠୀ ଖଳା ନିର୍ମାଣ କରିଥିଲେ ।
ବିଦ୍ୟାଳୟ ପରିସରରେ ଗୋଷ୍ଠୀ ଖଳା, ତଦନ୍ତ ଦାବି କଲେ ଅଭିଭାବକ
ବୌଦ୍ଧ ଜିଲ୍ଲାର ହରଭଙ୍ଗା, ବୌଦ୍ଧ ଓ କଣ୍ଟାମାଳ ବ୍ଲକର ବିଭିନ୍ନ ସ୍ଥାନରେ ଏଭଳି ଗୋଷ୍ଠୀ ଖଳା କେବଳ ଠିକାଦାର ପୋଷା ନୀତିରେ ନିର୍ମାଣ ହୋଇଛି । କୃଷି ବିଭାଗର ଗୋଷ୍ଠୀ ଖଳା ଗୁଡିକ ବିଭିନ୍ନ ବ୍ୟକ୍ତି ବିଶେଷଙ୍କ କବ୍ଜାରେ ରହିବା ସହ ଏହା ଅସାମାଜିକ ଲୋକଙ୍କ ଆଡ୍ଡା ସ୍ଥଳୀ ପାଲଟିଛି । ଖାସ୍ କରି କୃଷିର ମୁଖ୍ୟସ୍ଥାନ ପାଲଝାର କୃଷି ଫାର୍ମରେ ଏଭଳି ଚରମ ଅବ୍ୟବସ୍ଥା ଦେଖିବାକୁ ମିଳିଛି । ବିଭାଗୀୟ ଅପାରଗତା ହେତୁ କୃଷି ବିଭାଗ ଦୁର୍ନୀତିର ଗନ୍ତାଘର ପାଲଟିଛି ।