ଦାମୀ କାରରେ ଗଞ୍ଜେଇ ଚୋରା ଚାଲାଣ, ଜଣେ ଗିରଫ

03:22 March 17

ଦାମୀ କାରରେ ଗଞ୍ଜେଇ ଚୋରା ଚାଲାଣ, ଜଣେ ଗିରଫ

ବୌଦ୍ଧ: ଚୋରା ଗଞ୍ଜେଇ ଚାଲାଣ କରୁଥିବା ଜଣେ ଯୁବକକୁ ଗଞ୍ଜେଇ ସହିତ କାବୁ କରିଛି ମନମୁଣ୍ଡା ପୋଲିସ । ଗଞ୍ଜେଇ ଚାଲାଣ ନିମନ୍ତେ ବ୍ୟବହୃତ ଦାମୀ କାର ସହ ସମ୍ପୃକ୍ତ ଯୁବକକୁ ମଧ୍ୟ ଗିରଫ କରିଛି ପୋଲିସ ।

ବୌଦ୍ଧ ଜିଲ୍ଲାର ବିଭିନ୍ନ ଉପାନ୍ତ ଅଞ୍ଚଳରେ ଏବେ ଗଞ୍ଜେଇ ମାଫିଆ ପୁରାପୁରି ସକ୍ରିୟ । ବର୍ତ୍ତମାନ ଗଞ୍ଜେଇ ଅମଳ ହୋଇସାରି କେବଳ ବ୍ୟବସାୟ ତଥା ଗ୍ରାହକ ଅପେକ୍ଷାରେ ରହିଛି । ଫଳରେ ଦିନରାତି ଏକ କରି ଗଞ୍ଜେଇ ମାଫିଆ ଭିନ୍ନ ଭିନ୍ନ ତରିକାରେ ଗଞ୍ଜେଇ ଚୋରା ଚାଲାଣ କରିବାରେ ବ୍ୟସ୍ତ ।

ସୋମବାର ଏଭଳି ଏକ ଚୋରା ଗଞ୍ଜେଇ ଚାଲାଣକୁ ଧରିଛି ମନମୁଣ୍ଡା ପୋଲିସ । ଏକ ଦାମୀ ମାରୁତି ସୁଜୁକି କାରରେ 26 କେଜି ଗଞ୍ଜେଇ ଚୋରା ଚାଲାଣ ପାଇଁ ଯାଉଥିବାବେଳେ ପୋଲିସ ହାତରେ ଧରା ପଡିଛି । ଉକ୍ତ ଗଞ୍ଜେଇ ସହ ସମ୍ପୃକ୍ତ ଯୁବକକୁ ଗିରଫ କରିଛି ମନମୁଣ୍ଡା ପୋଲିସ । ଏଥିସହିତ ଏହି ଚାଲାଣ ପାଇଁ ବ୍ୟବହୃତ କାରକୁ ମଧ୍ୟ ଜବତ କରିଛି ପୋଲିସ । ମଙ୍ଗଳବାର ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ମନମୁଣ୍ଡା ଥାନା ଅଧିକାରୀ ସୂଚନା ଦେଇଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ