ବୌଦ୍ଧ: ମାଫିଆଙ୍କ ଟାର୍ଗେଟରେ ଜଙ୍ଗଲ ସମ୍ପଦ । ଜଙ୍ଗଲ ସମ୍ପଦରେ ଭରପୁର ବୌଦ୍ଧ ଜିଲ୍ଲାର ପାଞ୍ଚଟି ବନାଞ୍ଚଳର ଜଙ୍ଗଲ ଉପରେ ମାଫିଆଙ୍କ ଲୋଲୁପ ଦୃଷ୍ଟି । ବୌଦ୍ଧ ବନଖଣ୍ଡ ଅଧିକରୀ ଗତ ମାସକ ମଧ୍ୟରେ ପାଞ୍ଚଟି ସ୍ଥାନରେ ଚଢାଉ କରି ଚୋରା କାଠ ଚାଲାଣକାରୀକୁ କାବୁ କରିବାରେ ସଫଳ ହୋଇଥିବା ବେଳେ ବୁଧବାର ପୁଣି ଏକ ଚଢାଉ କରି ମୂଲ୍ୟବାନ କାଠ ଜବତ କରିଛି ।
ପୁରୁଣାକଟକ ବନାଞ୍ଚଳର ଚଢାଉ, ଚାରି ଲକ୍ଷ ଟଙ୍କାର କାଠ ଜବତ
ସୂଚନା ମୁତାବକ ବୌଦ୍ଧ ଜିଲ୍ଲାର ପୁରୁଣାକଟକ ଗଣପତିନଗରଠାରେ ଫର୍ଣ୍ଣିଚର ନାରେ ବ୍ୟାପକ ମୂଲ୍ୟବାନ କାଠ ଓ ପଟା ଗଛିତ ଥିବା ଖବର ପାଇ ପୁରୁଣାକଟକ ବନାଞ୍ଚଳ ଅଧିକାରୀଙ୍କ ନେତୃତ୍ବରେ ଚଢ଼ାଉ କରାଯାଇଥିଲା । ଏହି ଚଢାଉରେ ଚାରି ଲକ୍ଷ ଟଙ୍କାରୁ ଊର୍ଦ୍ଧ୍ବ ମୂଲ୍ୟବାନ କାଠ, ପଟା ଓ ସାମଗ୍ରୀ ଜବତ କରାଯାଇଥିବା ସୂଚନା ମିଳିଛି ।