ବୌଦ୍ଧ: ବନ କର୍ମଚାରୀଙ୍କୁ ଚୋରାକାଠ ମାଫିଆଙ୍କ ମରଣାନ୍ତକ ଆକ୍ରମଣ ଅଭିଯୋଗ । ଏ ସମ୍ପର୍କରେ ଥାନାରେ ଲିଖିତ ଅଭିଯୋଗ ପରେ ମଧ୍ୟ ଅଭିଯୁକ୍ତଙ୍କୁ ଧରାଯାଉ ନଥିବାରୁ ଉଭୟ ପୋଲିସ ଓ ଜଙ୍ଗଲ ବିଭାଗର କାର୍ଯ୍ୟକାରିତା ନେଇ ସନ୍ଦେହ ସୃଷ୍ଟି ହୋଇଛି । ଏଭଳି ଘଟଣାଟ ବୌଦ୍ଧ ରେଘାମୁଣ୍ଡାରେ ଦେଖିବାକୁ ମିଳିଛି ।
ଚୋରାକାଠ ମାଫିଆଙ୍କ ଆକ୍ରମଣରେ ଫରେଷ୍ଟଗାର୍ଡ ଗୁରୁତର
ବୌଦ୍ଧ ବନଖଣ୍ଡ ବିଭାଗ ଅନ୍ତର୍ଗତ କଣ୍ଟାମାଳ ରେଞ୍ଜରେ ବାରମ୍ବାର ଚୋରାକାଠ ମାଫିଆଙ୍କ ଉପଦ୍ରବ ସମ୍ମୁଖକୁ ଆସୁଛି । ସ୍ଥାନୀୟ କିଛି ଦୁର୍ନୀତିଗ୍ରସ୍ତ କର୍ମଚାରୀଙ୍କୁ ହାତ କରି ଏହି ଚୋରାକାଠ କାରବାରର ଏକ ଲମ୍ବା ରାକେଟ କାର୍ଯ୍ୟ କରୁଛି । ଗତ ଦୁଇଦିନ ତଳେ କଣ୍ଟାମାଳ ରେଞ୍ଜ ଅଧିନରେ ଥିବା ନାରାୟଣପ୍ରସାଦ ବିଟ ଅନ୍ତର୍ଗତ ରେଘାମୁଣ୍ଡା ଗ୍ରାମ ନିକଟରୁ ଏଭଳି ଚୋରାକାଠ ଚାଲାଣ ହେଉଥିବା ଖବର ପାଇ ସ୍ଥାନୀୟ ଫରେଷ୍ଟ ଗାର୍ଡ ଅତର୍କିତ ଚଢାଉ କରି କାଠକୁ ଧରିଥିଲେ । କିନ୍ତୁ ଏହାର ପରିଣାମ ସ୍ୱରୂପ ତାଙ୍କୁ ସେଠାରେ ମାଫିଆଙ୍କ ସମର୍ଥକ ମାନେ ଘେରିଯାଇ ମରଣାନ୍ତକ ଆକ୍ରମଣ କରିଥିଲେ ।