ବୌଦ୍ଧ:ପଶ୍ଚିମ ଓଡିଶାର କଳା ଓ ସଂସ୍କୃତିକୁ ବଞ୍ଚାଇ ରଖିବାକୁ ଜିଲ୍ଲା ତଥା ଜିଲ୍ଲା ବାହାରୁ ଅନେକ ପ୍ରାଚୀନ ସାମଗ୍ରୀ ସଂଗ୍ରହ କରାଯାଉଛି । ଏସବୁ ସାମଗ୍ରୀକୁ ସାଇତି ରଖିବାକୁ ଜିଲ୍ଲାରେ ଏକ ସଂଗ୍ରହାଳୟ ସ୍ଥାପନ ପ୍ରସ୍ତୁତି ଶେଷ ପର୍ଯ୍ୟାୟରେ ପହିଞ୍ଚିଛି । ଆସନ୍ତା 2ତାରିଖରେ ମୁଖ୍ୟମନ୍ତ୍ରୀ ଏହି ସଂଗ୍ରହାଳୟକୁ ଉଦଘାଟନ କରିବେ ।
ବୌଦ୍ଧ ଜିଲ୍ଲାରେ ହେବ ସ୍ଥାପନ ହେବ ପ୍ରଥମ ସଂଗ୍ରହାଳୟ
ଜୋରସୋରରେ ଆଗେଇ ଚାଲିଛି ପଶ୍ଚିମ ଓଡିଶାର ପ୍ରଥମ ସଂଗ୍ରହାଳୟ ନିର୍ମାଣ କାର୍ଯ୍ୟ । ଗଡଜାତ ଜିଲ୍ଲା ବୌଦ୍ଧ ସହର ମହକୁମାରେ 1921ମସିହାରେ ନିର୍ମିତ ହୋଇଥିବା କୋର୍ଟ ବିଲ୍ଡିଂକୁ ଚଳିତ ବର୍ଷ ଶହେ ବର୍ଷ ପୂରଣ ହୋଇଛି । ଏହି ଅବସରରେ ଏହି ପ୍ରାଚୀନ କୋଠାକୁ ପ୍ରଶାସନ ହେରିଟେଜ ବିଲ୍ଡିଂର ମାନ୍ୟତା ସହ ଏହାକୁ ସଂଗ୍ରହାଳୟ ଭାବରେ ପ୍ରସ୍ତୁତ କରିବାକୁ ନିଷ୍ପତ୍ତି ନେଇଛନ୍ତି । ବୌଦ୍ଧ ଜିଲ୍ଲାର ତିନୋଟି ବ୍ଲକର ବିଭିନ୍ନ ସ୍ଥାନରୁ ତଥା ଜିଲ୍ଲା ବାହାରର ଅନେକ ପ୍ରାଚୀନ ସାମଗ୍ରୀ ଏଠାରେ ସ୍ଥାନିତ ହେବ ।