ବୌଦ୍ଧ: ରାଜରାସ୍ତାକୁ ଓହ୍ଲାଇଲେ ଉତ୍ତ୍ୟକ୍ତ ଚାଷୀ। ମଣ୍ଡିରୁ ଦୀର୍ଘଦିନ ଧରି ଧାନକ୍ରୟ ହୋଇ ନପାରି ପଡିରହୁଥିବା ଓ ଟୋକନ ଲାପ୍ସ ଭଳି ସମସ୍ୟା ସମୟରେ ବର୍ଷା ଦାଉ ସାଧୁଥିବାରୁ ଅସହାୟ ହୋଇପଡିଛି ଚାଷୀ । ଶେଷରେ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇ ଜାତୀୟ ରାଜପଥ ଅବରୋଧ କରିଥିଲେ ଶହଶହ ଚାଷୀ।
ବିଭିନ୍ନ ସମସ୍ୟାକୁ ନେଇ ରାଜରାସ୍ତାକୁ ଓହ୍ଲାଇଲେ ଚାଷୀ
ବୌଦ୍ଧ ଜିଲ୍ଲାର ବିଭିନ୍ନ ଧାନମଣ୍ଡିରେ ଲାଗି ରହିଛି ଅଚଳାବସ୍ଥା। ସେପଟେ ଅଦିନିଆ ବର୍ଷା ଯୋଗୁଁ ଭୟଭୀତ ଅବସ୍ଥାରେ ଅଛନ୍ତି ଚାଷୀ । ଯେଉଁଥିପାଇଁ ଗୁରୁବାର ବିଭିନ୍ନ ସମସ୍ୟା କୁନେଇ ସରସରା ଠାରେ ଶତାଧିକ ଚାଷୀ ଧାନ ବସ୍ତାରଖି ଦୀର୍ଘ ସମୟ ଧରି ୫୭ ନମ୍ବର ଜାତୀୟ ରାଜପଥକୁ ଅବରୋଧ କରି ରଖିଥିଲେ।