ବୌଦ୍ଧ: ଧାନକ୍ରୟ ଆରମ୍ଭରୁ ଦେଖାଗଲାଣି ବ୍ୟାପକ ସମସ୍ୟା(Irregularities in rice procurement) । ଏନେଇ ଏଥିରେ ଅତିଷ୍ଠ ହୋଇ ରାଜରାସ୍ତାକୁ ଓହ୍ଲାଇଛନ୍ତି ଚାଷୀମାନେ । ବୌଦ୍ଧ ଜିଲ୍ଲାର 42 ଗୋଟି ସମବାୟ ସମିତି ଜରିଆରେ ଚାଷୀଙ୍କ ଧାନକ୍ରୟ ଆରମ୍ଭ ହୋଇଥିବା ବେଳେ ଅନେକ ସ୍ଥାନରେ ଚାଷୀ ବ୍ୟାପକ ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ ହୋଇଛି ।
ଧାନକିଣାରେ ଅବ୍ୟବସ୍ଥା, ରାସ୍ତା ଅବରୋଧ କଲେ ଚାଷୀ
ବିଭିନ୍ନ ଧାନ ମଣ୍ଡିରେ ଚାଷୀ ଟୋକନ ପାଇବାର ସପ୍ତାହେ ପରେ ମଧ୍ୟ ଧାନ ବିକ୍ରି କରିନପାରି ଶୀତ କାକରରେ ଧାନକୁ ଜଗି ରହୁଛନ୍ତି । ଏହାଛଡା ଉପଯୁକ୍ତ ଧାନ ଆଣିବା ସତ୍ତ୍ବେ ପାଞ୍ଚରୁ ଦଶ କିଲୋ ପର୍ଯ୍ୟନ୍ତ କଟନୀ ଛଟନୀର ଶିକାର ହେଉଥିବା ଅଭିଯୋଗ ହୋଇଛି ।