ବୌଦ୍ଧ ଜିଲ୍ଲାରେ ଅଦିନିଆ ବର୍ଷା ଯୋଗୁଁ ଚିନ୍ତାରେ ଚାଷୀ

ବୌଦ୍ଧ ଜିଲ୍ଲାରେ ଅଦିନିଆ ବର୍ଷା ଯୋଗୁଁ ଚିନ୍ତାରେ ଚାଷୀ । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଅଦିନିଆ ବର୍ଷା ଯୋଗୁଁ ଆତଙ୍କିତ ଚାଷୀକୂଳ । ଆଗକୁ ପଢନ୍ତୁ...

ବୌଦ୍ଧ:ଅଦିନିଆ ବର୍ଷା ଯୋଗୁଁ ଚିନ୍ତାରେ ଚାଷୀକୂଳ । ବିଲ ଠାରୁ ଆରମ୍ଭ କରି ମଣ୍ଡି ପର୍ଯ୍ୟନ୍ତ ଏବେ ଧାନ ସଂଗ୍ରହ ଚାଲିଥିବା ବେଳେ ହଠାତ ଅଳ୍ପ ସମୟର ବର୍ଷା ଚାଷୀଙ୍କ ଚିନ୍ତା ବଢାଇଦେଇଛି । ବୌଦ୍ଧ ଜିଲ୍ଲାର ବିଭିନ୍ନ ସ୍ଥାନରେ ଅଦିନିଆ ବର୍ଷା ଯୋଗୁଁ ଆତଙ୍କିତ ଚାଷୀ କୂଳ ।

ଶୁକ୍ରବାର ଅପରାହ୍ନରେ ବୌଦ୍ଧ ବ୍ଲକ ଓ ହରଭଙ୍ଗା ବ୍ଲକର ବିଭିନ୍ନ ସ୍ଥାନରେ ହଠାତ ବର୍ଷା ଆରମ୍ଭ ହୋଇ ଯିବାରୁ ଚାଷୀ ଯେଉଁଠୁ ଯାହା ପାଇଲା ଧାନକୁ ବଞ୍ଚାଇବାକୁ ଚେଷ୍ଟା କରିଥିଲା । ଚଳିତ ବର୍ଷ ବୌଦ୍ଧ ଜିଲ୍ଲାରେ ଧାନଚାଷ ଅତ୍ୟନ୍ତ ଉତ୍ସାହଜନକ ଥିବା ବେଳେ ଅଦିନିଆ ବର୍ଷା ଚାଷୀଙ୍କୁ ଚିନ୍ତାରେ ପକାଇଛି ।

ସୂଚନା ମୁତାବକ ବୌଦ୍ଧ ସହିତ ପୁରୁଣାକଟକ, ଚାରିଛକ ଭଳି ପ୍ରମୁଖ ସ୍ଥାନ ମାନଙ୍କରେ ବର୍ଷା ହୋଇଛି । ଏଠାରେ ପ୍ରକାଶ ଥାଉକି ଜିଲ୍ଲାର ବିଭିନ୍ନ ମଣ୍ଡି ରେ ଧାନକ୍ରୟ ଆରମ୍ଭ ହୋଇସାରିଥିବା ବେଳେ ଏଫ ଏକ୍ୟୁ ମାନ ଧାନ ସଂଗ୍ରହ ଉପରେ ବିଶେଷ ଗୁରୁତ୍ବ ଯୋଗୁଁ ଏଭଳି ବର୍ଷା ଧାନର ମାନକୁ ଓଲଟପାଲଟ କରିପାରେ । ଏଣୁ ଚାଷୀକୂଳ ଚିନ୍ତାରେ ପଡିଯାଇଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି,ଇଟିଭି ଭାରତ