ମାଳ ମାଳ ଯୋଜନା ଥାଇ ବି ବିକାଶ ଏଠି ଅପହଞ୍ଚ

ସବୁ ଯୋଜନା ବୌଦ୍ଧ ଜିଲ୍ଲା ଆଦିବାସୀ ଅଧ୍ୟୁଷିତ ଟିକରପଡା ଓ ମଲ୍ଲିକପଡା ପଞ୍ଚାୟତ ପାଇଁ ଅପହଞ୍ଚ । ସେଠାରେ ସରକାରୀ ଯୋଜନା କିଭଳି କାର୍ଯ୍ୟକାରୀ ହେଉଛି ଓ ସାଧାରଣ ଜୀବନ କିଭଳି ଅତିବାହିତ ହେଉଛି, ତାହା ଜାଣିବା ପାଇଁ ଆମ ଇଟିଭି ଭାରତ ଟିମ ପହଞ୍ଚିଥିଲେ ଅପହଞ୍ଚ ଗାଁରେ ।

ବୌଦ୍ଧ: ବିକାଶ ପାଇଁ ରାଜ୍ୟ ଓ କେନ୍ଦ୍ର ସରକାର କରିଛନ୍ତି ମାଳ ମାଳ ଯୋଜନା । ମାତ୍ର ସେହିସବୁ ଯୋଜନା ବୌଦ୍ଧ ଜିଲ୍ଲା ଆଦିବାସୀ ଅଧ୍ୟୁଷିତ ଟିକରପଡା ଓ ମଲ୍ଲିକପଡା ପଞ୍ଚାୟତ ପାଇଁ ଅପହଞ୍ଚ । ଘଞ୍ଚ ଜଙ୍ଗଲକୁ ଘେରି ରହିଥିବା ଏହି ଆଦିବାସୀ ଅଧ୍ୟୁଷିତ ଗାଁରେ ଆଜି ମଧ୍ୟ ଶିକ୍ଷା, ସ୍ବାସ୍ଥ୍ୟ ଓ ଗମନାଗମନର ବ୍ୟବସ୍ଥା ଅତି ବିପର୍ଯ୍ୟସ୍ତ ।

ଚାରିପାଖରେ ଘଞ୍ଚ ଜଙ୍ଗଲ ଘେରି ରହିଥିବାବେଳେ ବୌଦ୍ଧର କୌଣସି ଜିଲ୍ଲାପାଳ ଆଜି ଯାଏଁ ମଧ୍ୟ ଏହି ସ୍ଥାନକୁ ଆସି ନାହାଁନ୍ତି । ଆମ୍ବୁଲାନ୍ସ ଓ ସ୍ବାସ୍ଥ୍ୟସେବା ଏମାନଙ୍କ ପାଇଁ ସାତ ସପନ । ଆବାସ ଘର ଓ ଶୌଚାଳୟ ନିର୍ମାଣରେ ବ୍ୟାପକ ଦୁର୍ନୀତି ହେଉଥିବା ଗ୍ରାମବାସୀ ମଧ୍ୟ ଅଭିଯୋଗ କରିଛନ୍ତି ।

ତେବେ କିଭଳି ରହିଛି ଗାଁ ଲୋକଙ୍କ ସମସ୍ୟା । ଯେଉଁ ଗାଁକୁ ଯିବାକୁ ହେଲେ ଦୁଇ ତିନୋଟି ପାହାଡିଆ ରାସ୍ତା ଡେଇଁବାକୁ ହୁଏ, ସେଠାରେ ସରକାରୀ ଯୋଜନା କିଭଳି କାର୍ଯ୍ୟକାରୀ ହେଉଛି ଓ ସାଧାରଣ ଜୀବନ କିଭଳି ଅତିବାହିତ ହେଉଛି, ତାହା ଜାଣିବା ପାଇଁ ଆମ ଇଟିଭି ଭାରତ ଟିମ ପହଞ୍ଚିଥିଲେ ଅପହଞ୍ଚ ଗାଁରେ ।