ସ୍ବାସ୍ଥ୍ୟସେବା ଦେଖି ଖପ୍ପା ମୁଖ୍ୟ ନିର୍ବାଚନ କମିଶନ

ବୌଦ୍ଧ ଡାକ୍ତରଖାନାରେ ଅବହେଳା । ବାହାରୁ କିଣିବାକୁ ପଡୁଛି ଔଷଧ । ଏପରିକି ସମୟରେ ନର୍ସ ସେବା ମଧ୍ୟ ମିଳୁନି । ରୋଗୀଙ୍କ ଠାରୁ ଏଭଳି ଅଭିଯୋଗ ଶୁଣି ଉଦବେଗ ପ୍ରକାଶ କରିଛନ୍ତି ମୁଖ୍ୟ ନିର୍ବାଚନ କମିଶନଙ୍କ ଉଦବେଗ ।

ବୌଦ୍ଧ: ସ୍ବାସ୍ଥ୍ୟସେବାର ପୋଲ୍ ଖୋଲିଲେ ଖୋଦ ରୋଗୀ । ଆଶ୍ଚର୍ଯ୍ୟ ହୋଇଗଲେ ରାଜ୍ୟ ମୁଖ୍ୟ ନିର୍ବାଚନ କମିଶନ ଓ ପ୍ରଶାସନିକ ଅଧିକାରୀ । ଜିଲ୍ଲାରେ କିପରି ‘5T’ କାର୍ଯ୍ୟକ୍ରମ ଚାଲିଛି ତାହା ଆଜି ସର୍ବସମ୍ମୁଖରେ ଖୁଲାସା ହୋଇଛି ।

ଗୁରୁବାର ରାଜ୍ୟ ମୁଖ୍ୟ ନିର୍ବାଚନ କମିଶନ ଶୁଶୀଲ କୁମାର ଲୋହାନୀଙ୍କ ବୌଦ୍ଧ ଗସ୍ତ ବେଳେ ଜିଲ୍ଲା ମୁଖ୍ୟ ଡାକ୍ତରଖାନା ପରିଦର୍ଶନ କରିଥିଲେ । ଏହି ସମୟରେ ହଠାତ କିଛି ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । କମିଶନ ରୋଗୀଙ୍କ ନିକଟକୁ ଯାଇ ହାନିଲାଭ ପଚାରିଥିଲେ । ଉତ୍ତରେ ରୋଗୀ ଡାକ୍ତରଖାନାରେ ଅବ୍ୟବସ୍ଥାକୁ ବଖାଣିଥିଲେ ।

ଔଷଧ ବାହାରୁ କିଣି ଆଣିବାକୁ ପଡୁଥିବା ବେଳେ ନର୍ସ ସେବା ମଧ୍ୟ ସମୟରେ ମିଳୁନଥିବା ନେଇ କମିଶନ ଙ୍କ ସାମ୍ନାରେ ରୋଗୀ ଓ ସେମାନଙ୍କ ସମ୍ପର୍କୀୟ ଅଭିଯୋଗ କରିଥିଲେ । ପଡୋଶୀ ସୁବର୍ଣ୍ଣପୁର ଜିଲ୍ଲା ଡାକ୍ତରଖାନାରେ ‘5T’ ସଚିବ ସ୍ବଚ୍ଛତାକୁ ନେଇ ପରିଦର୍ଶନ କରୁଥିବା ବେଳେ ବୌଦ୍ଧରେ ଏଭଳି ଅବସ୍ଥା ବଡ ପ୍ରଶ୍ନବାଚୀ ସୃଷ୍ଟି କରିଛି । ଏପଟେ ମୁଖ୍ୟ ଚିକିତ୍ସା ଅଧିକାରୀ ଏପରି ଘଟଣାକୁ ସ୍ବୀକାର କରି ଏହାର ତଦନ୍ତ କରାଯିବ ବୋଲି କହିଛନ୍ତି ।

ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ