ନବମ ଶ୍ରେଣୀ ଛାତ୍ରୀ ନିଖୋଜ ମାମଲା, ଆକ୍ସନ ନେବ ପ୍ରଶାସନ

ବୌଦ୍ଧ ଆଢେଣୀଗଡ ବିଦ୍ୟାଳୟର ନବମ ଶ୍ରେଣୀ ଛାତ୍ରୀ ନିଖୋଜ ଘଟଣା। ଛାତ୍ରୀ ନିବାସର ଦାୟିତ୍ବରେ ଥିବା ମ୍ୟାଟ୍ରନ ଉପରେ ହେବ କାର୍ଯ୍ୟାନୁଷ୍ଠାନ। ଅଧିକ ପଢନ୍ତୁ...

ବୌଦ୍ଧ: ଜିଲ୍ଲା ହରଭଙ୍ଗା ବ୍ଲକ ଆଢେଣୀଗଡ ବିଦ୍ୟାଳୟର ଛାତ୍ରୀ ନିବାସରୁ ନବମ ଶ୍ରେଣୀ ଛାତ୍ରୀ ନିଖୋଜ ଘଟଣା । ଦାୟିତ୍ବରେ ଥିବା ପରିଚାଳିକାଙ୍କ ଉପରେ ହେବ କାର୍ଯ୍ୟାନୁଷ୍ଠାନ।

ସୂଚନା ଥାଉକି, ବଘିଆପଡା ଅଞ୍ଚଳର ଜନୈକା ଛାତ୍ରୀ ଆଢେଣୀଗଡର ଛାତ୍ରୀ ନିବାସରେ ରହି ପାଠ ପଢୁଥିଲା । କିନ୍ତୁ ହଠାତ ଗତ ଦଶ ତାରିଖରେ ସେ କେଉଁଆଡେ ନିଖୋଜ ହୋଇଯାଇଥିଲା। ତାପର ଦିନ ବିଦ୍ୟାଳୟର ପ୍ରଧାନଶିକ୍ଷକ ପୁରୁଣାକଟକ ଅଧିନରେ ଥିବା ଆଢେଣୀଗଡ ଫାଣ୍ଡିରେ ଏନେଇ ଲିଖିତ ଅଭିଯୋଗ ପରେ ବୌଦ୍ଧ ପୋଲିସ ତଦନ୍ତ ଆରମ୍ଭ କରିଥିଲେ ।

ନିଖୋଜ ଛାତ୍ରୀକୁ ପୋଲିସ ଉଦ୍ଧାର କରି ସୁଧାର ଗୃହରେ ରଖିଥିବା ସୂଚନା ମିଳିଛି । ଘଟଣାର ତଦନ୍ତ କରି ଜିଲ୍ଲା ସମାଜ ମଙ୍ଗଳ ବିଭାଗ ଛାତ୍ରୀ ନିବାସ ଦାୟିତ୍ବରେ ଥିବା ମ୍ୟାଟ୍ରନଙ୍କ ଅବହେଳାରୁ ଏପରି ଅପ୍ରୀତିକର ପରିସ୍ଥିତି ଉପୁଜିଥିବା ଦର୍ଶାଇ ତାଙ୍କ ବିରୁଦ୍ଧରେ ପଦକ୍ଷେପ ଗ୍ରହଣ କରାଯିବ ବୋଲି ବିଭାଗୀୟ ଅଧିକାରୀ କହିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ