କାଲିଠୁ ଷ୍ଟିୟରିଂ ଛାଡ ଆନ୍ଦୋଳନ କରିବ ଡ୍ରାଇଭର ମହାସଙ୍ଘ

ରାଜ୍ୟ ସ୍ତରରେ ଡ୍ରାଇଭରଙ୍କ ସହିତ ସରକାରଙ୍କ ଆଲୋଚନା ବିଫଳ ହେବା ପରେ ପୁଣିଥରେ ଜିଲ୍ଲାରେ ଷ୍ଟିୟରିଂ ଛାଡି ଆନ୍ଦୋଳନକୁ ଓହ୍ଲାଇବେ ଶହ ଶହ ଡ୍ରାଇଭର । ସୋମବାର ରାଜଧାନୀ ଭୁବନେଶ୍ବରରେ ଆନ୍ଦୋଳନ ଓ ଆଲୋଚନା ବିଫଳ ହେବା ପରେ ଏଣିକି ଜିଲ୍ଲା ସ୍ତରରେ ଆନ୍ଦୋଳନକୁ ଓହ୍ଲାଇବ ଡ୍ରାଇଭର ମହାସଂଘ । ଅଧିକ ପଢନ୍ତୁ

ବୌଦ୍ଧ: ବୁଧବାରଠାରୁ ଷ୍ଟିୟରିଂ ଛାଡ ଆନ୍ଦୋଳନକୁ ଓହ୍ଲାଉଛି ଡ୍ରାଇଭର ମହାସଙ୍ଘ । ରାଜ୍ୟ ସ୍ତରରେ ଡ୍ରାଇଭରଙ୍କ ସହିତ ସରକାରଙ୍କ ଆଲୋଚନା ବିଫଳ ହେବା ପରେ ପୁଣିଥରେ ଜିଲ୍ଲାରେ ଷ୍ଟିୟରିଂ ଛାଡି ଆନ୍ଦୋଳନକୁ ଓହ୍ଲାଇବେ ଡ୍ରାଇଭର । ଗତକାଲି(ସୋମବାର) ରାଜଧାନୀରେ ଭୁବନେଶ୍ବରରେ ଆନ୍ଦୋଳନ ତଥା ଆଲୋଚନା ବିଫଳ ହେବା ପରେ ଏଣିକି ଜିଲ୍ଲା ସ୍ତରରେ ଆନ୍ଦୋଳନକୁ ଓହ୍ଲାଇବ ଡ୍ରାଇଭର ମହାସଂଘ । ଡ୍ରାଇଭର ମହାସଂଘ ପକ୍ଷରୁ ୧୧ ଦଫା ଦାବି ନେଇ ଦୀର୍ଘ ଦିନ ହେଲା ଆନ୍ଦୋଳନ ଜାରି ରହିଥିଲା ।

ତେବେ ଏନେଇ ଗତକାଲି ରାଜ୍ୟ ସରକାରଙ୍କ ସହିତ ଆଲୋଚନା ବିଫଳ ହେବା ପରେ ପୁଣିଥରେ ଜିଲ୍ଲାରେ ଚେତାବନୀ ଦେଇଛନ୍ତି । ଆଜି ଏନେଇ ବୌଦ୍ଧ ଜିଲ୍ଲା ଡ୍ରାଇଭର ମହାସଂଘ ସଭାପତି ଓ ସଂପାଦକଙ୍କ ନେତୃତ୍ୱରେ ବହୁ ଡ୍ରାଇଭର, ବିଜୁ ପଟ୍ଟନାୟକ ସେତୁ ଛକ ନିକଟରେ ସମସ୍ତ ଗାଡି ଗୁଡିକୁ ଅଟକାଇ ଏହି ଆନ୍ଦୋଳନରେ ସମର୍ଥନ ଜଣାଇବାକୁ ଅନୁରୋଧ କରିଛନ୍ତି ।

ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ