ବୌଦ୍ଧ: ରାଜ୍ୟରେ ଜାରି ରହିଛି ଗ୍ରୀଷ୍ମ ପ୍ରବାହ । ଫଳରେ ସାଧାରଣ ଜନଜୀବନକୁ ପ୍ରଭାବିତ କରୁଥିବା ସମୟରେ ବିଭିନ୍ନ ପଞ୍ଚାୟତରେ ପାନୀୟଜଳର ଉତ୍କଟ ସମସ୍ୟା ଦେଖା ଦେଇଛି । ଆଉ ଏଭଳି ସମୟରେ ବିଭାଗୀୟ ଦୁର୍ନୀତି ବର୍ତ୍ତମାନ ଦାଣ୍ଡରେ ପଡି ହାଟରେ ଗଡୁଛି । ତେବେ ବୌଦ୍ଧ ଜିଲ୍ଲାରେ ଗତ ୨୦ ଦିନ ହେଲାଣି ପାରଦ ୪୨ ଡିଗ୍ରୀ ପାଖାପାଖି ରହୁଥିବା ବେଳେ ଦିନ ୧୦ଟା ପରେ ପ୍ରଚଣ୍ଡ ଖରା ଯୋଗୁଁ ରାସ୍ତାଘାଟ ଖାଲି ହୋଇ ଯାଉଛି । ଖୁଣ୍ଟିଗୋରା ଠାରୁ ତଳଗାଁ ପର୍ଯ୍ୟନ୍ତ ପଞ୍ଚାୟତରେ ବର୍ତ୍ତମାନ ଖରା ସାଙ୍ଗକୁ ପାନୀୟଜଳର ସଙ୍କଟ ସମସ୍ତଙ୍କୁ ଚିନ୍ତିତ କରିଛି । ମହାନଦୀ ସମେତ ତେଲନଦୀ, ବାଘନଦୀ, ସାଲୁଙ୍କୀନଦୀ ଭଳି ନଦୀନାଳ ଶୁଖି ଯିବାକୁ ବସିଥିବା ବେଳେ ଗ୍ରାମ୍ୟ ଜଳଯୋଗାଣ ବିଭାଗର ବସୁଧା ଯୋଜନା ସମ୍ପୂର୍ଣ୍ଣ ଫେଲ ମାରିଛି ।
ବୌଦ୍ଧରେ ଉତ୍କଟ ପାନୀୟ ସମସ୍ୟା, ଫେଲ ମାରିଛି ବସୁଧା ଯୋଜନା