ବୌଦ୍ଧ: ଧାନମଣ୍ଡିରେ ମଦୁଆ ଓ ଦଲାଲଙ୍କ ଦୌରାତ୍ମ୍ୟ । ନାନା ଅସୁବିଧାର ସମ୍ମୁଖିନ ହେଉଛନ୍ତି ଚାଷୀ । ଏଭଳି ଅଭିଯୋଗ ଆସିଛି ବୌଦ୍ଧ ଜିଲ୍ଲାରୁ । ଜିଲ୍ଲାର କଣ୍ଟାମାଳ, ଲମ୍ବସରୀ, ଦପଲା,ମନମୁଣ୍ଡା ଭଳି ମଣ୍ଡିରେ ଦଲାଲ ସକ୍ରିୟ ଥିବା ବେଳେ ଅନ୍ୟ କେତେକ ମଣ୍ଡିରେ ମଦ୍ୟପ ମାନଙ୍କ ଦୌରାତ୍ମ୍ୟ ଦେଖିବାକୁ ମିଳୁଛି ।
ଧାନମଣ୍ଡିରେ ମଦୁଆଙ୍କ ଦୌରାତ୍ମ୍ୟ, ରାଜରାସ୍ତାରେ ଚାଷୀ ମଙ୍ଗଳବାର ଦହ୍ୟା ସମବାୟ ସମିତି ଅଧିନରେ ଥିବା କୁରୁମପଦର ଧାନ ମଣ୍ଡିରେ ଜଣେ ମଦ୍ୟପ ଚାଷୀ ତାର କ୍ରମିକ ନମ୍ବର ଆସି ନଥିବା ସତ୍ତ୍ବେ ଦୀର୍ଘ ସମୟ ଧରି ଧାନକ୍ରୟରେ ବାଧା ଉପୁଜାଇଥିଲା । ଫଳରେ ଚାଷୀ ରାଜରାସ୍ତାରେ ଧାନ ବସ୍ତା ଥୋଇ ରାସ୍ତା ଅବରୋଧ କରିଥିଲେ । ଘଟଣାସ୍ଥଳରେ ମନମୁଣ୍ଡା ପୋଲିସ ପହଞ୍ଚି ହସ୍ତକ୍ଷେପ ପରେ ରାସ୍ତାରୋକ ହଟିଥିଲା ।
ବୌଦ୍ଧରୁ ସତ୍ୟନାରାୟଣ ପାଣି, ଇଟିଭି ଭାରତ
